ବିଜେପି ଛାଡ଼ିଲେ ଆଉ ଜଣେ ବିଧାୟକ

କୋଲକାତା(ବଡ଼ ଖବର ବ୍ୟୁରୋ): ବିଜେପିକୁ ପୁଣି ଝଟକା । ପୁଣି ଆଉ ଜଣେ ବିଧାୟକ ବିଜେପି ଛାଡ଼ି ଟିଏମସିରେ ମିଶିଛନ୍ତି । ଏ ଖବର ସାମ୍ନାକୁ ଆସିବା ପରେ ପଶ୍ଚିମବଙ୍ଗ ରାଜନୀତି ସରଗରମ ହୋଇଉଠିଛି । ରାଇଗଞ୍ଜର ବିଜେପି ବିଧାୟକ କ୍ରିଷ୍ଣା କଲ୍ୟାଣୀ ଏପରି ଘୋଷଣା କରିଥିବାର ସୂଚନା ମିଳିଛି ।

ତେବେ ପୂର୍ବତନ କେନ୍ଦ୍ରମନ୍ତ୍ରୀ ତଥା ବିଜେପି ସାଂସଦ ଦେବଶ୍ରୀ ଚୌଧୁରୀ ତାଙ୍କ ନିର୍ବାଚନ ମଣ୍ଡଳୀରେ ବାରମ୍ବାର ହସ୍ତକ୍ଷେପ କରୁଥିବାରୁ ସାଧାରଣ ଲୋକଙ୍କ ପାଇଁ କାମ କରିବା ବିଧାୟକ କ୍ରିଷ୍ଣାଙ୍କ ପାଇଁ କାଠିକାର ପାଠ ହୋଇଯାଉଛି । ଏହି କାରଣରୁ ବିଜେପି ସହ ରହି କାମ କରିବା ତାଙ୍କ ପକ୍ଷରେ ସମ୍ଭବ ନୁହେଁ ବୋଲି ବିଜେପି ବିଧାୟକ କ୍ରିଷ୍ଣା କଲ୍ୟାଣୀ କହିଛନ୍ତି ।