ଛାତ୍ରୀ ଆତ୍ମହତ୍ୟା ଉଦ୍ୟମ ଘଟଣା, ତଦନ୍ତ କରି ଫେରିଲେ ତିନିଜଣିଆ କମିଟି
ବାଲେଶ୍ୱର (ବଡ଼ ଖବର ବ୍ୟୁରୋ): ଫକୀର ମୋହନ କଲେଜ ଛାତ୍ରୀ ଆତ୍ମହତ୍ୟା ଉଦ୍ୟମ ଘଟଣା । କଲେଜରୁ ତଦନ୍ତ କରି ଫେରିଲେ ତିନିଜଣିଆ କମିଟି । ଇଣ୍ଟରନାଲ କମ୍ପେଲନ ରିପୋର୍ଟ ଅନୁସାରେ ତଦନ୍ତ ହୋଇଥିବା କହିଲେ କମିଟି ମୁଖ୍ୟ । ଆବଶ୍ୟକ ପଡ଼ିଲେ ପୁଣି ତଦନ୍ତ ପାଇଁ କମିଟି ଆସିବ । ସେପଟେ କ୍ରାଇମବ୍ରାଞ୍ଚ ୨ ଜଣିଆ ଟିମ୍ କଲେକରେ ପହଂଚି ତଦନ୍ତ କରୁଛି ।
୩ ଘଣ୍ଟାରୁ ଉର୍ଦ୍ଧ୍ବ ସମୟ ଧରି ତଦନ୍ତ କରି ଫେରିଲେ କ୍ରାଇମବ୍ରାଞ୍ଚର ୱେମେନ୍ ୱିଂ ଟିମ। ପ୍ରାଥମିକ ପର୍ଯ୍ୟାୟରେ ନିଜ ଆଡୁ ତଦନ୍ତ ଆରମ୍ଭ କରିଛି ଟିମ୍ । ନିଲମ୍ବିତ ପ୍ରିନ୍ସିପାଲଙ୍କ ସମେତ ଅନ୍ୟ ଆଇସିସି କମିଟିକୁ ତଦନ୍ତ ପରିସରଭୁକ୍ତ କରାଯାଇଥିବା ବେଳେ ଆଜି ପ୍ରାଥମିକ ତଦନ୍ତ ସାରି ଫେରିଛନ୍ତି ୨ ଜଣିଆ ଟିମ୍ । ପୁନର୍ବାର ସମସ୍ତଙ୍କୁ ଡକାଯାଇ ତଦନ୍ତ ପରିସରଭୁକ୍ତ କରାଯିବ । ପ୍ରାଥମିକ ପର୍ଯ୍ୟାୟର ତଦନ୍ତ ରିପୋର୍ଟ ହେଡ ଡିପାର୍ତ୍ମେଣ୍ଟକୁ ଅବଗତ କରାଯାଇଛି।