କଟକ(ବଡ଼ ଖବର ବ୍ୟୁରୋ): ସ୍ୱରେଜ କାମବେଳେ ଅଣନିଃଶ୍ୱାସ ହୋଇ ଦୁଇ ଶ୍ରମିକ ମୃତ, ଜଣେ ଗୁରତର । କଟକ ସିଡିଏ ସେକ୍ଟର-୧୦ରେ ଘଟିଛି ଏଭଳି ଏକ ଅଘଟଣ । ଠିକା ସସ୍ଥାର ଖାମଖିଆଲି ନୀତି ପାଇଁ ଅକାଳରେ ଦୁଇ ଶ୍ରମିକଙ୍କ ଜୀବନ ଚାଲିଯାଇଥିବା ଅଭିଯୋଗ ହୋଇଛି ।
କଟକ ସିଡିଏ ସେକ୍ଟର ୧୦ରେ ସ୍ୱରେଜ କାମ ଚାଲିଥିଲା । ଏଥିରେ ତିନିଜଣ ଶ୍ରମିକ ନିୟୋଯିତ ହୋଇଥିଲେ । ପ୍ରଥମେ ଜଣେ ଶ୍ରମିକ ସ୍ୱରେଜ ଭିତରକୁ ପଶିଥିଲେ । ତାଙ୍କୁ ସହାଯ୍ୟ କରିବା ପାଇଁ ଆଉ ଜଣେ ଶ୍ରମିକ ବିତରକୁ ପଶି ଆଉ ଫେରି ନଥିଲେ । ଦୁଇ ଶ୍ରମିକ ଦୀର୍ଘ ସମୟଧରି ଭିତରୁ ବାହାରିପାରି ନଥିଲେ । ଫଳରେ ତାଙ୍କୁ ଉଦ୍ଧାର କରିବା ପାଇଁ ତୃତୀୟ ଶ୍ରମିକ ମଧ୍ୟ ଭିତରକୁ ଯାଇଥିଲେ । ତେବେ ସେ ମଧ୍ୟ ଦୀର୍ଘ ସମୟଧରି ପଦାକୁ ନଆସିବାରୁ ସେଠାରେ ଉପସ୍ଥିତ ଥିବା ଲୋକେ ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବିଭାଗ କର୍ମଚାରୀମାନେ ପହଁଚି ସମସ୍ତଙ୍କୁ ଉଦ୍ଧାର କରି କଟକ ବଡ଼ ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ଦୁଇଜଣଙ୍କୁ ମୃତ ଘୋଷଣା କରିଥିବା ବେଳେ ଜଣଙ୍କର ଚିକିତ୍ସା ଚାଲିଛି । ମୃତ ଶ୍ରମକମାନେ ହେଲେ କଟକର ପି.ଶଙ୍କର ଓ ବଡମ୍ବା ଅଞ୍ଚଳର ବିଷ୍ଣୁ ନାୟକ । ଗୁରୁତର ଟି ଶିବା ଏବେ ଚିକିତ୍ସାଧୀନ ଅଛନ୍ତି ।
