ଟ୍ରେନ ଟ୍ରାଜେଡି: ଆକ୍ସନରେ ପ୍ରଶାସନ

ବାଲେଶ୍ବର(ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲାର ବାହାନଗାରେ ରେଳ ଦୁର୍ଘଟଣା ପରେ ଉଦ୍ଧାର କାର୍ଯ୍ୟ ପାଇଁ ପ୍ରଶାସନିକ ସ୍ତରରେ ତତ୍ପରତା ପ୍ରକାଶ ପାଇଥିଲା । ରାଜ୍ୟ ସରକାର ଅଗ୍ନିଶମ ବିଭାଗ ଡିଜି ସୁଧାଂଶୁ ଶେଖର ଷଡଙ୍ଗୀଙ୍କୁ ଦାୟିତ୍ୱ ଦେଇ ତୁରନ୍ତ ଘଟଣାସ୍ଥଳକୁ ଯିବା ପାଇଁ ନିର୍ଦ୍ଦେଶ ଦେଇଥିଲେ । ଏସଆରସିଙ୍କ ନିର୍ଦ୍ଦେଶରେ ବାଲେଶ୍ୱର ଓ ଭଦ୍ରକ ଜିଲ୍ଳାପାଳ ତୁରନ୍ତ ଆମ୍ବୁଲାନ୍ସ, ବସ ଘଟଣାସ୍ଥଳକୁ ପଠାଇଥିଲେ ।

ଘଟଣାସ୍ଥଳକୁ ରାଜସ୍ୱମନ୍ତ୍ରୀ ଓ ଏସଆରସିକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପଠାଇ ନିଜେ କଣ୍ଟ୍ରଲ ରୁମରେ ଉଦ୍ଧାର କାର୍ଯ୍ୟ ତଦାରଖ କରିଥିଲେ । ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛି ଓଡ୍ରାଫ୍ ଓ ଏନ୍ଡିଆରଏଫ୍ । ସ୍ଥାନୀୟ ଲୋକଙ୍କ ସହଯୋଗରେ ରାତିସାରା ଚାଲିଛି ଉଦ୍ଧାର କାର୍ଯ୍ୟ । ପ୍ରଥମେ ୫୦ ଆମ୍ବୁଲାନ୍ସ ମୃତାହତମାନଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ । ପରେ ମୃତାହତଙ୍କ ସଂଖ୍ୟା ଅଧିକ ହେବାରୁ ୧୦୦ ଓ ପରେ ଆଉ ଅଧିକ ଆମ୍ବୁଲାନ୍ସ ଓ ବସ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛି ।