ନର୍ଲା ବ୍ଲକରେ ଆୟୋଜିତ ହେଲା ସୁଭଦ୍ରା ଯୋଜନାର ପ୍ରଶିକ୍ଷଣ ଶିବିର

ନର୍ଲା(ବଡ଼ ଖବର ବ୍ୟୁରୋ): ରାଜ୍ୟ ସରକାରଙ୍କ ବହୁ ପ୍ରତିକ୍ଷିତ ସୁଭଦ୍ରା ଯୋଜନାକୁ ନେଇ ଏସଓପି ଜାରି ହେବା ପରେ ରାଜ୍ୟର ପ୍ରତ୍ୟେକ ବ୍ଲକ୍ ଅଫିସ୍ ଗୁଡ଼ିକରେ ଆଙ୍ଗନୱାଡି କର୍ମୀଙ୍କୁ ନେଇ ପ୍ରଶିକ୍ଷଣ ଶିବିର ଆୟୋଜିତ ହୋଇଛି । ସୋମବାର ନର୍ଲା ବ୍ଲକ୍ ପରିସରରେ ମଧ୍ୟ ଏକ ପ୍ରଶିକ୍ଷଣ ଶିବିର ଆୟୋଜିତ ହୋଇଥିଲା। ଏହି ଶିବିରରେ ସୁଭଦ୍ରା ଯୋଜନା କ’ଣ, କେଉଁ ମହିଳା ଏହି ଯୋଜନାରେ ଅନ୍ତର୍ଭୁକ୍ତ ହୋଇପାରିବେ, ତାର ନିୟମାବଳୀ ଓ କିପରି ଟଙ୍କା ପାଇବେ ସେ ବିଷୟରେ ଲୋକଙ୍କୁ ବୁଝାଇବା ପାଇଁ ଅଙ୍ଗନୱାଡି କର୍ମୀଙ୍କୁ ପ୍ରଶିକ୍ଷଣ ଦିଆ ଯାଇଥିଲା। ନର୍ଲା ବିଡ଼ିଓ ରିପୁନଥ୍ ସୁନାଙ୍କ ତତ୍ତ୍ୱାବଧାନରେ ଆୟୋଜିତ ଉକ୍ତ କାର୍ୟ୍ୟକ୍ରମରେ ନର୍ଲା ବ୍ଲକର ତହସିଲଦାର ବିଶ୍ବରଂଜନ କହଁରଙ୍କ ସହିତ ବିଭିନ୍ନ ବିଭାଗର ଅଧିକାରୀ ଯୋଗ ଦେଇଥିବା ବେଳେ ବ୍ଲକର ସମସ୍ତ ଆଙ୍ଗନୱାଡି କର୍ମୀ ଉପସ୍ଥିତ ଥିଲେ ।