ଟୁକୁନି ସାହୁଙ୍କ ଗାଡ଼ି ସାମ୍ନାରେ ବିରୋଧ କରିବାରୁ ପଦଯାତ୍ରୀମାନଙ୍କୁ ଥାନାରେ ଅଟକ
ସଇଁତଲା (ବଡ଼ ଖବର ବ୍ୟୁରୋ): ଆବାସ ଯୋଜନାରେ କୋସଲାଞ୍ଚଲକୁ ଅବହେଲା କରାଯାଉଥିବା ପ୍ରତିବାଦରେ କୋଶଳ ସ୍ୱଭିମାନର ପଦଯାତ୍ରା। ମନ୍ତ୍ରୀ ଟୁକୁନି ସାହୁଙ୍କ ଗାଡି ସାମ୍ନାରେ ବିରୋଧ କରିବାରୁ ପଦଯତ୍ରୀମାନଙ୍କୁ ସଇଁତଲା ଥାନାରେ ଅଟକ। ଗତକାଲି ଜାତୀୟ ରାଜପଥ ୨୬ ବରଗା ଛକ ଠାରେ ମନ୍ତ୍ରୀ ଟୁକୁନି ସାହୁ ବଲାଙ୍ଗୀରରୁ ଟିଟିଲାଗଡ଼ ରାସ୍ତା ଜାତୀୟ ରାଜପଥ ୨୬ରେ ଯାଉଥିବା ବେଳେ ମନ୍ତ୍ରୀଙ୍କ ଗାଡି ସାମ୍ନାରେ ଠିଆ ହୋଇ ଆନ୍ଦୋଳନକାରୀ ମାନେ ବିକ୍ଷୋଭ ପ୍ରଦର୍ଶନ କରିଥିଲେ।
ତେବେ ସଇଁତଲା ପୋଲିସ ସୂଚନା ପାଇଁ ଘଟଣା ସ୍ଥଳକୁ ପହଁଚି ପଦଯାତ୍ରୀମାନଙ୍କୁ ସଇଁତଲା ଥାନାରେ ଅଟକ ରଖାଯାଇଛି । ପରେ ଖବର ପାଇ ଟିଟିଲଗଡ଼ ଏସଡିପିଓ ସୁରେନ୍ଦ୍ରନାଥ ସତପଥୀ ସଇଁତଲା ଥାନାକୁ ପହଞ୍ଚି ପଦଯାତ୍ରୀଙ୍କ ସହିତ ଆଲୋଚନା କରିଥିଲେ ସୁଦ୍ଧା କୈଣସି ପ୍ରକାର ସମାଧାନ ହୋଇପାରିନଥିଲା।