ସୋରଡା (ବଡ଼ ଖବର ବ୍ୟୁରୋ): ଗଞ୍ଜାମ ସୋରଡା ଥାନା ଅଞ୍ଚଳରୁ ଚୋରି ହୋଇଥିବା ଜେସିବି ମେସିନ ଜବତ,ଦୁଇ ଗିରଫ। ଗିରଫ ଅଭିଯୁକ୍ତମାନେ ହେଲେ ଦୁବୁଲୁଣ୍ଡା ଗ୍ରାମର ରୁଦ୍ରନାରାୟଣ ଜେନା ଓ ଦୂତିକୃଷ୍ଣ ଜେନା।ସୂଚନା ମୁତାବକ ଗତ ୨୨ ତାରିଖ ମଧ୍ୟ ରାତିରେ ମଠ ସାହିରେ ରହୁଥିବା ଲଣ୍ଡା ପାତ୍ରଙ୍କ ଜେସିବି ଘର ସାମ୍ନାରୁ ଚୋରି ହୋଇଥିଲା।
ଏନେଇ ସୋରଡା ଥାନାରେ ମାମଲା ହୋଇଥିଲା ।ପୋଲିସ ତଦନ୍ତ କରି ଚୋରିରେ ସମ୍ପୃକ୍ତ ଥିବା ଦୁଇ ଅଭିଯୁକ୍ତଙ୍କୁ ଗିରଫ କରି ଆଜି କୋର୍ଟ ଚାଲାଣ କରିଛି। ସେମାନଙ୍କ ଠାରୁ ଜେସିବି ଗାଡି ସହ ଏକ ବାଇକକୁ ଜବତ କରିଛି।ଦୁଇ ଅଭିଯୁକ୍ତ ଜେସିବି ଅପରେଟର ଭାବେ କାମ କରୁଥିବା ତଦନ୍ତରୁ ଜଣାପଡିଥିବା କହିଛନ୍ତି ଥାନା ଅଧିକାରୀ ରମେଶ କୁମାର ପ୍ରଧାନ।
