ବଢ଼ୁଛି ସଂକ୍ରମଣ, ୨ଦିନିଆ କୋଭିଡ ମକଡ୍ରିଲ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଆଜିଠୁ ସାରା ଦେଶରେ ୨ ଦିନିଆ କୋଭିଡ କମଡ୍ରିଲ । ଦେଶରେ କରୋନା ସଂକ୍ରମଣ ଉପରମୁହାଁ ହୋଇଛି । ଦିନକୁ ସଂକ୍ରମଣ ୫ହଜାର ଉପରେ ରହୁଛି । ଦିଲ୍ଲୀ, ମୁମ୍ବାଇ ସମେତ ୭ ରାଜ୍ୟରେ ସଂକ୍ରମଣ ବଢୁଛି । ତେଣୁ ଆଜିଠୁ ସାରା ଦେଶରେ ଥିବା କୋଭିଡ୍ ହସ୍ପିଟାଲରେ ମକଡ୍ରିଲ୍ ହେବ । ଦୁଇ ଦିନ ଧରି ଚାଲିବ ଏହି ମକଡ୍ରିଲ୍ । କୋଭିଡ ସଂକ୍ରମଣ ବଢୁଥିବା ଦେଖି କେନ୍ଦ୍ର ସରକାର କୋଭିଡ ପରିଚାଳନା ପାଇଁ ମକଡ୍ରିଲ୍ କରିବାକୁ ନିର୍ଦ୍ଦେଶ ଦେଇଥିଲେ । ଉଭୟ ସରକାରୀ ଓ ବେସରକାରୀ ହସ୍ପିଟାଲରେ ମକଡ୍ରିଲ ହେବ । ଗ୍ରାଫ ବଢୁଥିବାରୁ ହରିୟାଣା, କେରଳ ଓ ପୁଡୁଚେରୀରେ ମାସ୍କ ବାଧ୍ୟତାମୂଳକ କରାଯାଇଛି ।