ତିର୍ତ୍ତୋଲ ଉପନିର୍ବାଚନରେ ଦୁଇ ନୂଆ ଯୋଦ୍ଧା

ତିର୍ତ୍ତୋଲ, (ବଡ଼ ଖବର ବ୍ୟୁରୋ): ତିର୍ତ୍ତୋଲ ଉପନିର୍ବାଚନ ଲାଗି ଚାଲିଛି ଅଙ୍କକଷା । ଆସନ୍ତା ୧୭ ତାରିଖ ନାମାଙ୍କନ ଭରିବାର ଶେଷ ତାରିଖ । ଏହାରି ଭିତରେ ତିନି ପ୍ରମୁଖ ରାଜନୈତିକ ଦଳ ନିଜ ନିଜ ପ୍ରାର୍ଥୀ ଘୋଷଣା କରିସାରିଛନ୍ତି । ତିର୍ତ୍ତୋଲ ଲଢ଼େଇ ଲାଗି ଆଉ ଦୁଇଜଣଙ୍କ ନାମ ଯୋଡ଼ି ହୋଇଯାଇଛି । ଆଜି ସ୍ୱାଧୀନ ପ୍ରାର୍ଥୀ ଅର୍ଜୁନ ଚରଣ ବେହେରା ଅତିରିକ୍ତ ଜିଲ୍ଲାପାଳ ସଚ୍ଚିଦାନନ୍ଦ ସାହୁଙ୍କ ନିକଟରେ ନାମାଙ୍କନ ଭରିଛନ୍ତି । କମ୍ୟୁନିଷ୍ଟ ପାର୍ଟି ପକ୍ଷରୁ ବିଜୟ କୁମାର ଭୋଇ ନାମାଙ୍କନ ଭରିଛନ୍ତି । କଂଗ୍ରେସ ପକ୍ଷରୁ ଇଞ୍ଜିନିୟର ହିମାଂଶୁ ଭୂଷଣ ମଲ୍ଲିକ ପ୍ରାର୍ଥୀ ହୋଇଥିବା ବେଳେ ଦିବଂଗତ ନେତା ବିଷ୍ଣୁ ଦାସଙ୍କ ପୁଅ ବିଜୟ ଶଙ୍କର ଦାସଙ୍କୁ ବିଜେଡି ପ୍ରାର୍ଥୀ କରିଛି । ବିଜେପି ପକ୍ଷରୁ ରାଜକିଶୋର ବେହେରାଙ୍କ ନାମ ଘୋଷଣା କରିଛି ଦଳ । ତିନି ପ୍ରମୁଖ ରାଜନୈତିକ ଦଳକୁ ଟକ୍କର ଦେବା ଲାଗି ସଜାଗ ଥିବା କହିଛନ୍ତି ଅର୍ଜୁନ ଓ ବିଜୟ ।