କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡ଼ୁଙ୍କ ଭିଡିଓ ଭାଇରାଲ

କେନ୍ଦୁଝର(ବଡ଼ ଖବର ବ୍ୟୁରୋ): କେନ୍ଦ୍ରମନ୍ତ୍ରୀ ବିଶ୍ୱେଶ୍ୱର ଟୁଡ଼ୁଙ୍କ ଭିଡିଓ ଭାଇରାଲ ହେବାରେ ଲାଗିଛି । ଏହା ସହ ତାଙ୍କ ଆଚରଣକୁ ନେଇ ମଧ୍ୟ ଚର୍ଚ୍ଚା ଜୋର ଧରିଥିବାର ଦେଖିବାକୁ ମିଳିଛି । ମନ୍ତ୍ରୀଙ୍କ ଚମ୍ପୁଆ ଗସ୍ତ ସମୟରେ ଏକ ସମୀକ୍ଷା ବୈଠକରେ ଏହି ଘଟଣା ଘଟିଥିବା ନେଇ ଭିଡିଓ ଭାଇରାଲ ହୋଇଛି । ଜଣେ କନିଷ୍ଠ ଯନ୍ତ୍ରୀଙ୍କୁ କୁକୁର ମଧ୍ୟ କହିବାକୁ ପଛାଇନାହାନ୍ତି କେନ୍ଦ୍ରମନ୍ତ୍ରୀ ।

ଚମ୍ପୁଆ ଆଇ.ଟି.ଡ଼ିଏ ଯୋଡ଼ା ବ୍ଲକ, ନୟାଗଡ କାର୍ୟ୍ୟଭାରରେ ଥିବା କନିଷ୍ଠ ଯନ୍ତ୍ରୀ ଉପରେ ତାଗିଦ ଆଳରେ କେନ୍ଦ୍ରମନ୍ତ୍ରୀ କହୁଛନ୍ତି, ମାଡ଼ ପଡୁନି ତମକୁ । ମୟୁରଭଞ୍ଜ ଆସିଲେ କେମିତି ମାଡ଼ ପଡ଼ିବ ଦେଖିବ । କେନ୍ଦ୍ର ଆଦିବାସୀ କଲ୍ୟାଣ, ଜଳ ସମ୍ପଦ ମନ୍ତ୍ରୀ ବିଶ୍ୱେଶ୍ୱର ଟୁଡୁଙ୍କ ଏହି ଭିଡିଓ ଭାଇରାଲ ହେବାପରେ ବିଭିନ୍ନ ମତ ପ୍ରକାଶ ପାଇଛି ।ଏ ଖବର ସାମ୍ନାକୁ ଆସିବା ପରେ ବର୍ତ୍ତମାନ ଏହା ଚର୍ଚ୍ଚାର ବିଷୟ ପାଲଟିଛି ।