ଦିଲ୍ଲୀରେ ଆରମ୍ଭ ହେଲା ଅନଲକ ପ୍ରକ୍ରିୟା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କରୋନା ସଂକ୍ରମଣକୁ ପ୍ରତିହତ କରିବାକୁ ଏପ୍ରିଲ ୧୯ ତାରିଖରୁ ଦିଲ୍ଲୀରେ ଜାରି ହୋଇଥିବା ଲକଡାଉନକୁ କୋହଳ କରିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ତେବେ ଲକଡାଉନ ଜାରି ରହିଥିଲେ ମଧ୍ୟ କିଛି କଟକଣା ଉପରେ କୋହଳ କରିଛନ୍ତି ରାଜ୍ୟ ସରକାର । ଦେଶର ରାଜଧାନୀ ଦିଲ୍ଲୀରେ ଯୁଗ୍ମ ଅଯୁଗ୍ମ ଅଧାରରେ ସ୍ଥାନୀୟ ବଜାର ସବୁ ଖୋଲିବ । ସେହିପରି ଦୂର ଦୂର ଛାଡ଼ି ରହିଥିବା ଦୋକାନ ସବୁ ଦୈନିକ ଖୋଲିବ ।

ସେହିପରି ୫୦% କର୍ମଚାରୀଙ୍କୁ ନେଇ ଘରୋଇ ଅଫିସ ସବୁ କାର୍ଯ୍ୟ କରିବା ପାଇଁ ଅନୁମତି ପାଇବେ। ସରକାରୀ ଅଫିସ୍‌ ସବୁ ୧୦୦% ‘ଗ୍ରୁପ୍‌ ଏ’ ଏବଂ ୫୦% ‘ଗ୍ରୁପ୍‌ ବି’ କର୍ମଚା‌ରୀମାନଙ୍କୁ ନେଇ କାର୍ୟ୍ୟ କରିପାରିବେ। ସେହିପରି ୫୦% ଯାତ୍ରୀଙ୍କୁ ନେଇ ଦିଲ୍ଲୀ ମେଟ୍ରୋସେବା ବି ଆରମ୍ଭ କରାଯାଇପାରିବ ବୋଲି ସୂଚନା ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।