ନୂଆଦିଲ୍ଲୀ (ବଡ ଖବର ବ୍ୟୁରୋ); ଲାଲ ସାଗରରେ ଆମେରିକୀୟ ଟ୍ୟଙ୍କର ଉପରେ ଇରାନ ଦଖଲ କରିବା ପରେ ଯୁଦ୍ଧ ପରିସ୍ଥିତି ସୃଷ୍ଟି ହୋଇଛି । ଇରାନର ଏହି ପଦକ୍ଷେପର ଜବାବ ଦେବାକୁ ୩୦୦୦ରୁ ଉର୍ଦ୍ଧ ଆମେରିକୀୟ ନୌସେନା ଦୁଇ ଯୁଦ୍ଧପୋତରେ ଲାଲ ସାଗରରେ ପହଞ୍ଚିଛନ୍ତି । ଆମେରିକାର ନୌସେନାର କହିବା ମୁତାବିକ ଯେ ଦେଶର ନାଭିକ ଏବଂ ନୌସେନା ପୂର୍ବ ନିର୍ଦ୍ଧାରିତ ମୁତୟନ ଅନୁସାରେ ସୁଏଜ କେନାଲ ଦେଇ ଲାଲ ସାଗରରେ ପ୍ରବେଶ କରିଛି । ଇରାନ ମଧ୍ୟ ଧମକ ଦେଇଛି , ସେ ଆମେରିକାର ଯେକୌଣସି ଆକ୍ରମଣର ଜବାବ ଦେବାକୁ ପ୍ରସ୍ତୁତ ।
ଇରାନ ଲାଲ ସାଗରର ନିକଟବର୍ତ୍ତୀ ଅଂଚଳରେ ନିଜ ନୌସେନାକୁ ହାଇ ଆଲର୍ଟ କରିଛି । ଆମେରିକାର ନୌସେନାର ପଂଚମ ଜାହାଜର ମୁଖପାତ୍ର କହିଛନ୍ତି, ଆମେରିକୀୟ ନୌସେନାର ଯବାନ ଦୁଇଟି ଯୁଦ୍ଧପୋତରେ ଲାଲ ସାଗରରେ ପହଞ୍ଚିଛନ୍ତି । ଏହି ଦୁଇ ଯୁଦ୍ଧପୋତ ଏବଂ ୩୦୦୦ରୁ ଅଧିକ ନୌସନିକ ସେଠାରେ ପଂହଚିବା ପରେ ଲାଲ ସାଗରରେ ଆମେରିକାର ଶକ୍ତି ଦୃଢିଭୂତ ହୋଇଛି । ଇରାନ ଗତ ଦୁଇ ବର୍ଷରେ ଏହି କ୍ଷେତ୍ରରେ ପ୍ରାୟ ୨୦ ଅନ୍ତର୍ଜାତୀୟ ପତାକା ଥିବା ଜାହାଜକୁ ଜବତ କରିଛି ।
