ଉତ୍ତରାଖଣ୍ଡ ହିମସ୍ଖଳନ: ଓଡ଼ିଶାରୁ ଜଣେ ନିଖୋଜ
ଉତ୍ତରାଖଣ୍ଡ (ବଡ଼ ଖବର ବ୍ୟୁରୋ): ଦେବଭୂମିରେ ତାଣ୍ଡବ ରଚିଛି ଭୟଙ୍କର ହିମସ୍ଖଳନ । ଆଜି ୩ୟ ଦିନରେ ଚାଲିଛି ଉଦ୍ଧାର କାର୍ଯ୍ୟ । ଉତ୍ତରାଖଣ୍ଡ ହିମସ୍ଖଳନରେ ନିଖୋଜ ହୋଇଯାଇଛନ୍ତି ଜଣେ ଓଡ଼ିଆ ଯୁବକ । ଭଦ୍ରକ ଜିଲ୍ଲା ଧାମରା ଅଂଚଳର ଜଣେ ଯୁବକ ସେଠାରେ ନିେଖୋଜ ହୋଇଯାଇଥିବା ସୂଚନା ମିଳୁଛି । ବାଂଶଡ଼ା ଥାନା ଯଶିପୁର ପଂଚାୟତ କୁଦରକାନ୍ଥି ଗାାଁର ରବି ଦାସଙ୍କ ପୁଅ ନୁଗାର୍ଜୁନ ଦାସଙ୍କ ପତା ମିଳୁନି ।
ଉତ୍ତରାଖଣ୍ଡ ଋଷିଗଙ୍ଗା ଶକ୍ତି ପ୍ରକଳ୍ପ ଅନ୍ତର୍ଗତ ତପୋବନର ରେଣୀ ବ୍ୟାରେଜରେ ନାଗାର୍ଜୁନ ୨୦୨୦ ନଭେମ୍ବର ୫ ତାରିଖରୁ ଇଲେକ୍ଟ୍ରିସିଆନ ଭାବେ କାମ କରୁଥିଲେ । ରବିବାର ହୋଇଥିବା ଭୟଙ୍କର ହିମସ୍ଖଳନରେ ଶତାଧିକ ଶ୍ରମିକ ନିଖୋଜ ଥିବା ବେଳେ ବର୍ତ୍ତମାନ ସୁଦ୍ଧା ୨୬ଜଣଙ୍କର ମୃତ ଦେହ ଉଦ୍ଧାର କରାଯାଇଛି । ନାଗାର୍ଜୁନଙ୍କ ସ୍ତ୍ରୀ ଲିପୁସ୍ମିତା ଫୋନରେ ସ୍ୱାମୀଙ୍କ ଯୋଗାଯୋଗ କରି ନିରାଶ ହେବା ପରେ ତପୋବନର ରେଣୀ ବ୍ୟାରେଜ ପ୍ରକଳ୍ପ ଅଧିକାରୀଙ୍କ ସହ କଥା ହୋଇଥିଲେ ।
ନନ୍ଦାଦେବୀରେ ହିମସ୍ଖଳନ ଯୋଗୁଁ ଅଳକାନନ୍ଦା ଓ ଧୋଲିଗଙ୍ଗା ନଦୀରେ ଅଚାନକ ବନ୍ୟାପାଣି ମାଡ଼ି ଆସିବାରୁ ବହୁ ଲୋକ ଭାସିଯାଇଥିବା ବେଳେ ଏହି ସଡ଼ିଆ ଯୁବକଙ୍କ କୌଣସି ପତା ମିଳୁନି । ସେପଟେ ନାଗାର୍ଜୁନଙ୍କ ଫେରିବା ବାଟକୁ ଚାହିଁ ବସିଛନ୍ତି ତାଙ୍କ ପତ୍ନୀ, ୨ ମାସର ଶିଶୁ ପୁତ୍ର, ବାପା ଓ ମା’ ।