ଟଳୁନି ଟିକା ସଙ୍କଟ

ଭୁବନେଶ୍ୱର(ବଡ଼ ଖବର ବ୍ୟୁରୋ): ରାଜ୍ୟରେ କମୁନି ଟିକା ଅଭାବ । ମଙ୍ଗଳବାର ରାଜ୍ୟର ୧୫ଟି ଜିଲ୍ଲାରେ ହେବନି ଟିକାକରଣ । ୧୫ଟି ଜିଲ୍ଲାର ମାତ୍ର ୯୭ଟି ସେସନ ସାଇଟରେ ଟିକା ଦିଆଯିବ । ଅନୁଗୁଳ, ବାଲେଶ୍ୱର, ଦେବଗଡ, ଢ଼େଙ୍କାନାଳ, ଗଜପତି, ଝାରସୁଗୁଡା, କଳାହାଣ୍ଡି, କନ୍ଧମାଳ, କେନ୍ଦ୍ରାପଡା, କୋରାପୁଟ, ମାଲକାନଗିରି, ନବରଙ୍ଗପୁର, ନୟାଗଡ, ନୂଆପଡା ଓ ସମ୍ବଲପୁରରେ ମଙ୍ଗଳବାର ଦିଆଯିବନି ଟିକା ।

ରାଜ୍ୟରେ ଆଜି ୩ଲକ୍ଷ ୪୯ ହଜାର ୯୩୦ କୋଭିସିଲ୍ଡ ଟିକା ଥିବାବେଳେ ୩ଲକ୍ଷ ୯ ହଜାର ୫୩୦ କୋଭାକ୍ସିନ ଟିକା ରହିଛି । ଅନ୍ୟପଟେ ସୋମବାର ରାଜ୍ୟର ୨୧୭ଟି କେନ୍ଦ୍ରରେ ୫୧ ହଜାର ୬୫୦ ଲୋକଙ୍କୁ ଟିକା ଦିଆଯାଇଛି । ରାଜ୍ୟରେ ଏପର୍ୟ୍ୟନ୍ତ ୧କୋଟି ୩୩ଲକ୍ଷ ୮୫ ହଜାର ୯୨୩ ଟିକା ଦିଆଗଲାଣି।