ବିସ୍ଫୋରକ ଭର୍ତ୍ତି ଗାଡ଼ି ଜବତ
ସୋରୋ (ବଡ଼ ଖବର ବ୍ୟୁରୋ): ବାଲେଶ୍ୱର ଜିଲ୍ଲା ସୋର ଥାନା ୧୬ ନମ୍ବର ଜାତୀୟ ରାଜପଥ ଅଲ୍ଲିପୁର ଛକ ନିକଟରୁ ବିପୁଳ ପରିମାଣର ବିସ୍ପୋରକ ଜବତ । ପିକଅପ ଭ୍ୟାନ କଟକରୁ ବାଲେଶ୍ୱର ଅଭିମୁଖେ ଯାଉଥିବା ବେଳେ ଏକ ଅଜଣା ଗାଡିକୁ ଧକ୍କା ଦେଇଥିଲା । ସ୍ଥାନୀୟ ଲୋକେ ଦୁର୍ଘଟଣାଗ୍ରସ୍ତ ପିକଅପରେ ବିସ୍ଫୋରକ ଥିବା ଜାଣିବାକୁ ପାଇଥିଲେ ।
ଯାହାକୁ ନେଇ ହାଇୱେ ପୋଲିସକୁ ଖବର ଦେଇଥିଲେ । ପରେ ହାଇୱେ ପୋଲିସ ପିକଅପଟିକୁ ଜବତ କରି ସୋର ପୋଲିସକୁ ହସ୍ତାନ୍ତର କରିଛି । ଜବତ ପିକଅପଟି ଏକ ଅଜଣା ଟ୍ରକ ପଛକୁ ଧକ୍କା ଦେଇଥିଲା । ଦୁର୍ଘଟଣା ପରେ ପିକଅପ ଡ୍ରାଇଭର ଫେରାର ହୋଇଯାଇଛି । ଘଟଣାସ୍ଥଳରେ ପୋଲିସ ତଦନ୍ତ କରୁଛି । ଉକ୍ତ ବିସ୍ପୋରକ ଗାଡିଟି ବାଗୁଡି ପଥର ଖଦାନକୁ ଯାଉଥିବା ବିଶେଷ ସୂତ୍ରରୁ ଜଣାପଡ଼ିଛି । ପ୍ରଶାସନ ନିରବ ଦ୍ରଷ୍ଟା ସାଜିଥିବା ବେଳେ ଏହି ବିସ୍ପୋରକ ବ୍ୟବହାର କରି ମାଫିଆ ମାନେ ବନ୍ଦ ଥିବା ଖଦାନରୁ କୋଟି କୋଟି ଟଙ୍କାର ପଥର ଲୁଟ୍ କରୁଥିବା ଅଭିଯୋଗ ହୋଇଛି ।