ବିଦ୍ୟାଭାରତୀ-ମମତାଙ୍କ ସଂପର୍କ ନିବିଡ଼

ଭୁବନେଶ୍ୱର (ବଡ଼ ଖବର ବ୍ୟୁରୋ): ଏସିଏଫ୍ ସୌମ୍ୟରଞ୍ଜନ ମୃତ୍ୟୁ ଘଟଣାରେ ଦିନକୁ ଦିନ ନୂଆ ମୋଡ ନେଉଛି । ସାମ୍ନାକୁ ଆସୁଛି ନୂଆ ନୂଆ ତଥ୍ୟ । ଘଟଣା ଦିନ ଆମ୍ବୁଲାନ୍ସ ଡାକ୍ତରଖାନା ଯିବା ସମୟରେ ଗାଡିକୁ ଗୁରାଣ୍ଡି ଥାନା ଓଆଇସି ମମତା ପଣ୍ଡା ଅଟକାଇଥିବା ଅଭିଯୋଗ ସାମ୍ନାକୁ ଆସିଥିଲା । ଯାହାକୁ ନେଇ ମମତା ଏବଂ ବିଦ୍ୟାଭାରତୀଙ୍କ ମଧ୍ୟରେ ସଂପର୍କକୁ ନେଇ ଉଠିଥିଲା ପ୍ରଶ୍ନ । ତେବେ ବିଦ୍ୟାଭାରତୀ ଏବଂ ମମତାଙ୍କ ମଧ୍ୟରେ ସଂପର୍କ ବାବଦରେ ବଖାଣିଛନ୍ତି ମମତାଙ୍କ ଶ୍ୱଶୁର ।

ମମତାଙ୍କ ଶ୍ୱଶୁରଙ୍କ କହିବା କଥା ବିଦ୍ୟାଭାରତୀଙ୍କ ମାମୁଁ ଘର ଏବଂ ମମତା ପଣ୍ଡାଙ୍କ ଘର ପାଖାପାଖି । ଗୋଟିଏ ଗ୍ରାମରେ ଦୁଇ ଗୋଟି ଘର। ପୂର୍ବରୁ ବିଦ୍ୟାଭାରତୀଙ୍କ ପରିବାର ସହିତ ମମତା ପଣ୍ଡାଙ୍କ ଶ୍ୱଶୁର ଘର ଲୋକଙ୍କ ସଂପର୍କ ଭଲ ରହିଥିଲା । ହେଲେ ତାହା ଆଉ ପୂର୍ବ ଭଳି ନାହିଁ । ତେବେ ବିଦ୍ୟାଭାରତୀ ତାଙ୍କ ମାମୁଁ ଘର କପ୍ତିପଦାକୁ ଯାଇଥିବା ବେଳେ ସେଠାରେ ମମତାଙ୍କ ସହିତ ତାଙ୍କର ଦେଖା ହୋଇ ସଂପର୍କ ହୋଇଥିଲା । ଯାହାକି ଅନେକ ସମୟରେ ଉଭୟ କଥାବାର୍ତା ହୁଅନ୍ତି । ଘଟଣା ଦିନ ପୂର୍ବ ସଂପର୍କ ଅନୁସାରେ ମମତାଙ୍କର ସାହାଯ୍ୟ ବିଦ୍ୟାଭାରତୀ ମାଗିଥିବେ ବୋଲି କହିଛନ୍ତି ମମତାଙ୍କ ଶ୍ୱଶୁର ।