ବାଲେଶ୍ୱର (ବଡ଼ ଖବର ବ୍ୟୁରୋ): ଭିଜିଲାନ୍ସ ଜାଲରେ ଆଉ ଜଣେ ବଡ ଅଧିକାରୀ । ବାଲେଶ୍ୱର ଜଳସେଚନ ବିଭାଗ ଅଧୀକ୍ଷଣ ଯନ୍ତ୍ରୀ ପ୍ରଭାସ ପ୍ରଧାନଙ୍କ ଘର ଏବଂ ଅଫିସରେ ଚାଲିଛି ଚଢାଉ । ଏକକାଳୀନ ୭ଟି ସ୍ଥାନରେ ଦୁଇ ଭିଜିଲାନ୍ସ ଡିଏସ୍ପିଙ୍କ ନେତୃତ୍ୱରେ ଚାଲିଛି ରେଡ୍ । ସୂଚନା ଅନୁଯାୟୀ, ଆଜି ସକାଳୁ ପ୍ରଭାସ ପ୍ରଧାନଙ୍କ ଘରେ ପଶିଲା ଭିଜିଲାନ୍ସ ଟିମ୍ । ଜଳେଶ୍ୱର ଘର, ବାଲେଶ୍ୱର ଅଫିସ୍, ସରକାରୀ କ୍ୱାଟର ସମେତ ୭ ଠିକଣାରେ ଚଢାଉ ଚାଲିଛି ।
ଏଥି ସହିତ ତାଙ୍କ ଫାର୍ମ ହାଉସ୍ ଏବଂ ଶ୍ୱଶୁର ଘରେ ମଧ୍ୟ ରେଡ୍ ହୋଇଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କରାଯାଇଛି ଭିଜିଲାନ୍ସ ରେଡ୍ । ଦୁଇ ଭିଜିଲାନ୍ସ ଡିଏସ୍ପି, ଚାରି ଏସ୍ପିଙ୍କ ନେତୃତ୍ୱ ତଥା ୭ ଇନିସ୍ପେକ୍ଟର ଏବଂ ୪୫ ଅଧିକାରୀଙ୍କ ସହ ଏହି ରେଡ୍ କରାଯାଇଛି । ବର୍ତ୍ତମାନ ସୁଦ୍ଧା ଜବତ ହେଲାଣି ୧୨ ଲକ୍ଷରୁ ଅଧିକ ନଗଦ ଟଙ୍କା । ଯନ୍ତ୍ରୀଙ୍କ ନାଁରେ ୧୦୦ ରୁ ଅଧିକ ପ୍ଲଟ୍ ଠାବ । ସ୍ତ୍ରୀଙ୍କ ନାଁ ରେ ଥିବା ୧୮ ଏକର ଜମି ମଧ୍ୟ ଠାବ କରିଛି ଭିଜିଲାନ୍ସ ।
