ରିୟଲ ହିରୋ ଯବାନ, ଗର୍ଭବତୀ ମହିଳାଙ୍କୁ ଦେଲେ ନୂଆ ଜୀବନ
ଜମ୍ମୁ-କାଶ୍ମୀର (ବଡ଼ ଖବର ବ୍ୟୁରୋ): ଦେଶର ରିୟଲ ହିରୋ..ଯବାନ । ପ୍ରବଳ ତୁଷାରପାତରେ ଗର୍ଭବତୀ ମହିଳାଙ୍କୁ ଉଦ୍ଧାର କଲେ ସେନା । ଜାମ୍ମୁ କାଶ୍ମୀରର କୁପୱାରାରେ ଦେଖିବାକୁ ମିଳିଛି ଏଭଳି ଦୃଶ୍ୟ । ପ୍ରବଳ ତୁଷାରପାତ ହେଉଥିବା ବେଳେ ସାହସର ସହ ଜଣେ ଗର୍ଭବତୀ ମହିଳାଙ୍କୁ ଉଦ୍ଧାର କରିଛନ୍ତି ଯବାନ । ଯାହାର ଭିଡିଓ ଭାଇରାଲ ହେବାରେ ଲାଗିଛି । ଯାହା ପାଇଁ ଗର୍ଭବତୀ ମହିଳା ଏକ ନୂଆ ଜୀବନ ପାଇଛନ୍ତି ।
ଭିଲଗ୍ରାମ ଆର୍ମି କ୍ୟାମ୍ପର ଯବାନମାନେ ଗର୍ଭବତୀ ମହିଳାଙ୍କୁ ଦେଇଛନ୍ତି ନୂଆ ଜୀବନ । ସୂଚନା ଅନୁସାରେ, ରାତ୍ରି ପ୍ରାୟ ୧୦.୪୦ ସମୟରେ ଭିଲଗାମ ଅଞ୍ଚଳରେ ଥିବା ଆର୍ମି କ୍ୟାମ୍ପକୁ ଏକ କଲ୍ ଆସିଥିଲା । ପ୍ରବଳ ତୁଷାରପାତ ମଧ୍ୟ ଜଣେ ଗର୍ଭବତୀ ମହିଳାଙ୍କୁ ଉଦ୍ଧାର କରିବା ସହ ମେଡିକାଲ ଚିକିତ୍ସା ସୁବିଧା ଯୋଗାଇ ଦେବା ପାଇଁ ଫୋନରେ କେହି ଜଣେ ଯବାନଙ୍କୁ ଅନୁରୋଧ କରିଥିଲେ ।
#WATCH | Kupwara, J&K: Vilgam Army Camp on Saturday rescued a pregnant woman amid heavy snowfall from Khanbal to PHC Vilgam of North Kashmir’s Kupwara District.
(Video source: Indian Army) pic.twitter.com/uiYbwbLyZm
— ANI (@ANI) February 4, 2024
ତେବେ ଗତ ୨ ଦିନରୁ ପ୍ରବଳ ତୁଷାରପାତ ଯୋଗୁଁ ଖନବଲରୁ ପିଏଚସି ଭିଲଗାମ ପର୍ଯ୍ୟନ୍ତ ରାସ୍ତା ବରଫରେ ଆଚ୍ଛାଦିତ ହୋଇଥିଲା । କିନ୍ତୁ ଏସବୁ ବାଧାବିଘ୍ନକୁ ଅତିକ୍ରମ କରି କକ୍ରୋସା ଆର୍ମି କ୍ୟାମ୍ପ ସଫଳତାର ସହ ଗର୍ଭବତୀ ମହିଳାଙ୍କୁ ଉଦ୍ଧାର କରିଛନ୍ତି । ପ୍ରବଳ ତୁଷାରପାତ ମଧ୍ୟରେ ନିଜ ଜୀବନକୁ ବାଜି ଲଗାଇ ଯବାନମାନେ ଗର୍ଭବତୀ ମହିଳାଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ ।