ଗଣତନ୍ତ୍ର ସୁରକ୍ଷା ପାଇଁ ଆମେ ଜେଲ ଯିବାକୁ ପ୍ରସ୍ତୁତ ଅଛୁ: ମଲ୍ଲିକାର୍ଜୁନ ଖଡଗେ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ରାହୁଲଙ୍କ ସଦସ୍ୟ ପଦ ରଦ୍ଦକୁ ନେଇ ପ୍ରତିକ୍ରିୟା ରଖିଛନ୍ତି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ । ସେ କହିଛନ୍ତି ବଜେପି ରାହୁଲଙ୍କ ସାଂସଦ ପଦ ରଦ୍ଦ କରିବା ପାଇଁ ସବୁ ପ୍ରକାର ଉଦ୍ୟମ କରିଛି । ଯେଉଁମାନେ ସତ କହୁଛନ୍ତି, ସେମାନଙ୍କୁ ଜାଣିଶୁଣି ହଇରାଣ କରାଯାଉଛି । କିନ୍ତୁ ଆମେ ସତ କହିବା ଜାରି ରଖିବୁ । ଗଣତନ୍ତ୍ର ସୁରକ୍ଷା ପାଇଁ ଆମେ ଜେଲ ଯିବାକୁ ପ୍ରସ୍ତୁତ ଅଛୁ ବୋଲି କହିଛନ୍ତି ମଲ୍ଲିକାର୍ଜୁନ ଖଡଗେ । ସେପଟେ ସଦସ୍ୟ ପଦ ରଦ୍ଦ ପରେ ରାହୁଲଙ୍କ ଘରେ ପହଞ୍ଚିଥିଲେ ମା ସୋନିଆ ଗାନ୍ଧି ।