ସ୍ଥାୟୀ ବେଞ୍ଚ୍‌ ପ୍ରତିଷ୍ଠା ଦାବି ନେଇ କ’ଣ କହିଲେ କିରଣ ରିଜଜୁ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପଶ୍ଚିମ ଓଡ଼ିଶାରେ ହାଇକୋର୍ଟ ସ୍ଥାୟୀ ବେଞ୍ଚ୍‌ ପ୍ରତିଷ୍ଠା ଦାବି ପ୍ରସଙ୍ଗ । ସୁରେଶ ପୂଜାରୀଙ୍କ ଶୂନ୍ୟକାଳ ପ୍ରଶ୍ନର ଉତ୍ତର ଦେଲେ ଆଇନ ମନ୍ତ୍ରୀ କିରଣ ରିଜିଜୁ । ସ୍ଥାୟୀ ବେଞ୍ଚ ନେଇ ପ୍ରସ୍ତାବ ଆମ ପାଖରେ ପେଣ୍ଡିଂ ନାହିଁ ବୋଲି ଜଣାଇଲେ । ପଶ୍ଚିମ ଓ ଦକ୍ଷିଣ ଓଡ଼ିଶାରେ ବେଞ୍ଚ ପାଇଁ ରାଜ୍ୟ ସରକାର ଦାବି କରିଥିଲେ ।

ହାଇକୋର୍ଟ ସହ ଆଲୋଚନା କରି କଂପ୍ଲିଟ ପ୍ରପୋଜାଲ ଦେବାକୁ କହିଥିଲୁ । ଏନେଇ ଗତ ଏପ୍ରିଲରୁ ଚିଠି କରିଥିଲେ ବି ଏଯାବତ କିଛି ରିପ୍ଲାଇ ଆସିନି । ସ୍ଥାୟୀ ବେଞ୍ଚ ନେଇ ରାଜ୍ୟ ସରକାର କୌଣସି କଂପ୍ଲିଟ ପ୍ରପୋଜାଲ ଦେଇନାହାନ୍ତି । ହାଇକୋର୍ଟ ସହମତି ସହ କଂପ୍ଲିଟ ପ୍ରପୋଜାଲ ଆସିଲେ କେନ୍ଦ୍ର ପଦକ୍ଷେପ ନେବ ।