Before Header

Breaking News

ବଡ଼ ଖବର ଏୟାରଟେଲରେ ଚ୍ୟାନେଲ ନଂ ୬୧୦ରେ ଉପଲବ୍ଧ ।
ଓରଟେଲରେ ଚ୍ୟାନେଲ ନଂ ୭୦୯ରେ ଉପଲବ୍ଧ ।
ଇଷ୍ଟର୍ଣ୍ଣ ମିଡ଼ିଆ ଡିଜିଟାଲରେ ଚ୍ୟାନେଲ ନଂ ୧୩୦ରେ ଉପଲବ୍ଧ ।
ଏହାସହ ରାଜ୍ୟର ପ୍ରମୁଖ କେବୁଲ ନେଟୱାର୍କରେ ଉପଲବ୍ଧ ।
ବଡ଼ ଖବର ଫ୍ରି ଟୁ ଏୟାର ।
ଏହାକୁ ଦେଖିବା ପାଇଁ ଦର୍ଶକଙ୍କୁ କୌଣସି ଅତିରିକ୍ତ ଦେୟ ଦେବାକୁ ପଡ଼ିବ ନାହିଁ ।
ଏହା ୨୪ ଘଣ୍ଟିଆ ସ୍ୟାଟେଲାଇଟ୍ ଓଡ଼ିଆ ନ୍ୟୁଜ୍ ଚ୍ୟାନେଲ ।
ଓଡ଼ିଶାରେ ଏକମାତ୍ର ନିରପେକ୍ଷ ନ୍ୟୁଜ୍ ଚ୍ୟାନେଲ ।
ଯଦି ଆପଣ ବଡ଼ ଖବର ଦେଖିପାରୁ ନାହାନ୍ତି, ତେବେ ଆପଣଙ୍କ ଅପରେଟରଙ୍କ ସହ ଯୋଗାଯୋଗ କରନ୍ତୁ । ଆଉ ବଡ଼ ଖବର ଦେବାକୁ ଦାବି କରନ୍ତୁ ।

ଗାଁ କାହାର?

0 69

ଭୁବନେଶ୍ୱର(ବଡ଼ ଖବର ବ୍ୟୁରୋ): ହଁ-ନାହିଁ, ହଁ-ନାହିଁରେ ଶେଷରେ ନିଷ୍ପତ୍ତି ହେଲା ପଞ୍ଚାୟତ ଭୋଟ ଘୁଞ୍ଚିବ ନାହିଁ । ୨୦୨୨ରେ ରାଜ୍ୟରେ ହେବାକୁ ଯାଉଛି ପଞ୍ଚାୟତ ନିର୍ବାଚନ । ୨୦୧୭ରେ ପଞ୍ଚାୟତ ସଂଖ୍ୟା ଓ ସୀମା ଯାହା ଥିଲା ସେୟା ରହିବ । ଏହି ନିଷ୍ପତ୍ତି ପରେ ଏବେ ହାତରେ ମାତ୍ର ୬ମାସ । ଗାଁ ଭୋଟ ହାତେଇବାକୁ ରଣନୀତି ତିଆରି କଲେଣି ରାଜନୈତିକ ଦଳ । ଗତ ଥର ଭଳି ଏଥର ବି ବିଜେପି ଓ ବିଜେଡି ମଧ୍ୟରେ ଟକ୍କର ହେବ । ସାଂଗଠନିକ ଦୁର୍ବଳତା ପାଇଁ କଂଗ୍ରେସ ଯଥେଷ୍ଟ ପଛରେ ପଡ଼ିଯାଇଛି ।

ତେବେ ସାମ୍ପ୍ରତିକ ରାଜନୀତି ଭିତରେ ବିଜେପି ଓ ବିଜେଡି କେଉଁ ପ୍ରସଙ୍ଗ ନେଇ ଗାଁ ଲୋକଙ୍କ ପାଖକୁ ଯିବେ , ତାହା ଉପରେ ଚର୍ଚ୍ଚା ଆରମ୍ଭ ହୋଇଗଲାଣି । ତ୍ରୀସ୍ତରୀୟ ପଞ୍ଚାୟତ ବ୍ୟବସ୍ଥାରେ କେବଳ ଜିଲ୍ଲ୍ଲା ପରିଷଦ ପ୍ରାର୍ଥୀ ଦଳୀୟ ଚିହ୍ନରେ ଲଢ଼ୁଥିବା ବେଳେ ସରପଞ୍ଚ ଓ ସମିତି ସଭ୍ୟ ନିର୍ଦଳୀୟ ଚିହ୍ନ ପାଆନ୍ତି । କିନ୍ତୁ ଏକଥା ସମସ୍ତଙ୍କୁ ଜଣା କିଛି ଜାଗାକୁ ଛାଡ଼ିଲେ ଅଧିକାଂଶ ସ୍ଥାନରେ ଏହି ପ୍ରାର୍ଥୀ ମାନଙ୍କୁ ରାଜନୈତିକ ଦଳମାନେ ଚୟନ କରିଥାନ୍ତି ।

ଗାଁ ଭୋଟ ସବୁବେଳେ ଆଞ୍ଚଳିକ ସମସ୍ୟାକୁ ନେଇ ଆଗକୁ ବଢ଼େ । ତେବେ ସାମଗ୍ରିକ ଭାବେ ଦେଶ ଓ ରାଜ୍ୟର ପରିସ୍ଥିତି ଏବଂ ସରକାର ଓ ବିରୋଧୀଙ୍କ ପ୍ରଦର୍ଶନର ମଧ୍ୟ ପ୍ରଭାବ ପଡ଼େ । ତେଣୁ ସ୍ଥାନୀୟ ପ୍ରସଙ୍ଗ ବ୍ୟତୀତ ବୃହତ୍ତର ଇସୁକୁ ମଧ୍ୟ ରାଜନୈତିକ ଦଳ ଅସ୍ତ୍ର କରିବେ । ତେବେ ଆସନ୍ତୁ ଦେଖିବା କାହା ହାତରେ କ’ଣ ଅସ୍ତ୍ର ରହିଛି । ବିଜେପିକୁ ଘେରିବା ପାଇଁ ବିଜୁ ଜନତା ଦଳ ପାଖରେ ସୁବର୍ଣ୍ଣ ସୁଯୋଗ ରହିଛି । ବିଶେଷ କରି ପେଟ୍ରୋଲ, ଡିଜେଲ, ସମେତ ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି କେନ୍ଦ୍ର ସରକାରଙ୍କ ବିରୋଧରେ ଅସନ୍ତୋଷ ତିଆରି କରିଛି । ଯାହାକୁ ଧରି ପଦ୍ମ ଶିବିରକୁ ପରାସ୍ତ କରିବାକୁ ଉଦ୍ୟମ କରିବେ ନବୀନ ଆଣ୍ଡ କୋ ।

ଗତ ଥର ଉଜ୍ଜ୍ୱଳା ସିଲିଣ୍ଡର ବିଜେପି ପାଇଁ ଭୋଟ ଆଣିଥିଲା । କିନ୍ତୁ ଏଥର ରନ୍ଧନ ଗ୍ୟାସର ଦର ବୃଦ୍ଧି ବିଜେପି ପାଇଁ ବୁମରେଙ୍ଗ ହୋଇପାରେ । ବିଜେପିର ଦୁର୍ବଳତା ବାଦ୍ ବିଜେଡ଼ି ପାଇଁ କାଳିଆ ଯୋଜନା ଓ ମିଶନ ଶକ୍ତି ଭୋଟ ଆଣିବାର ପ୍ରମୁଖ ମାଧ୍ୟମ ହେବ । ଏସ୍ଏଚଜି ମହିଳା ମାନେ ବିଜେଡ଼ି ପାଇଁ ବଡ଼ ଭୋଟ ବ୍ୟାଙ୍କ । ସେପଟେ ରାଜ୍ୟ ସରକାରଙ୍କ ବିରୋଧରେ ମାଳ ମାଳ ଦୁର୍ନୀତିର ଅଭିଯୋଗ ରହିଛି । ଯାହାକୁ ଆଧାର କରି ବିଜେଡ଼ିକୁ ଘେରିବ ବିଜେପି । କୋଭିଡ଼ ପରିଚାଳନାରେ ଅବ୍ୟବସ୍ଥା, ହସ୍ପିଟାଲ ବେଡ୍ ପାଇଁ ରୋଗୀଙ୍କ ସଂଘର୍ଷ ନବୀନ ସରକାରଙ୍କ ବିରୋଧରେ ଲୋକଙ୍କ ମନରେ ଆକ୍ରୋଶ ତିଆରି କରିଛି ।

ଏହାକୁ ଠିକ ଭାବେ ଉପସ୍ଥାପିତ କରିପାରିଲେ ବିଜେପି ଲାଭରେ ରହିବ । ଏହା ସହ ମଣ୍ଡି ସମସ୍ୟା ଓ ଆବାସ ବଣ୍ଟନରେ ଅନିୟମିତତା ଭାରତୀୟ ଜନତା ପାର୍ଟି ପାଇଁ ବିଜେଡ଼ି ବିରୋଧରେ ପ୍ରମୁଖ ମୁଦ୍ଦା ହେବ । କୋଭିଡ ପରିଚାଳନା ଓ ଟିକାକରଣରେ ବିଫଳତା, ମହଙ୍ଗା ମାଡ଼, ଚାଷୀ ସମସ୍ୟା, ବେରୋଜଗାରୀ ଆଦିକୁ ପ୍ରସଙ୍ଗ କରି ଉଭୟ ବିଜେପି ଓ ବିଜେଡ଼ିକୁ ଘେରି ପାରିବ କଂଗ୍ରେସ । କିନ୍ତୁ ତୃଣମୂଳ ସ୍ତରରେ ଦଳକୁ ସକ୍ରିୟ କରିବା ଦିଗରେ ଦଳର ନେତାମାନେ ଗୁରୁତ୍ୱ ଦେଉନଥିବାରୁ ପଛରେ ପଡ଼ିଯାଇପାରେ ଦେଶର ସବୁଠାରୁ ପୁରୁଣା ପାର୍ଟି ।

Leave A Reply

Your email address will not be published.