ଜାନୁଆରୀରୁ ପୁଣି ବଢିବ ଶୀତ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଜାନୁଆରୀରୁ ପୁଣି ବଢ଼ିବ ଶୀତ । ଶୀତର ପ୍ରକୋପ ବଢିବା ନେଇ ସୂଚନା ଦେଇଛନ୍ତି ଭୁବନେଶ୍ୱର ଆଞ୍ଚଳିକ ପାଣିପାଗ ବିଜ୍ଞାନକେନ୍ଦ୍ର । ତାପମାତ୍ରା ୬ଡିଗ୍ରୀ ଖସିବା ନେଇ ସୂଚନା ଦିଆଯାଇଛି । ଆଜିଠାରୁ ଉତ୍ତର ଓ ଉତ୍ତର ପଶ୍ଚିମ ଦିଗରୁ ଥଣ୍ଡା ପବନ ପ୍ରବାହିତ ହୋଇଛି । ଏହା ଦ୍ୱାରା ଉତ୍ତର ଆଭ୍ୟନ୍ତରିଣ ଅଞ୍ଚଳରେ ଶୀତର ପ୍ରକୋପ ବଢିଛି । ସମତଳ ଅଞ୍ଚଳ ଝାରସୁଗୁଡା ଠାରେ ସର୍ବନିମ୍ନ ତାପମାତ୍ରା ୧୩.୪ ଡିଗ୍ରୀ ରେକର୍ଡ ହୋଇଥିବା ବେଳେ ଦାରିଙ୍ଗବାଡି ଠାରେ ତାପମାତ୍ରା ୧୨.୫ ଡିଗ୍ରୀ ରେକର୍ଡ ହୋଇଛି । ନୂଆବର୍ଷ ସୁଧା ରାଜ୍ୟରେ ତାପମାତ୍ରା ୬ ଡିଗ୍ରୀ ପର୍ଯ୍ୟନ୍ତ ଖସିବ ।