ମହିଳାଙ୍କୁ ପିଟିପିଟି ହତ୍ୟା ଅଭିଯୋଗ, ଡ୍ରାଇଭର ଅଟକ
ଗଞ୍ଜାମ(ବଡ଼ ଖବର ବ୍ୟୁରୋ): ଗୋଷାଣୀ ନୂଆଗାଁ ଥାନା ଅର୍ନ୍ତଗତ ନୀଳକଣ୍ଠ ନଗରରେ ମହିଳାଙ୍କୁ ପିଟିପିଟି ହତ୍ୟା ଅଭିଯୋଗ । ମୃତ ମହିଳା ଜଣକ ହେଲେ ସୌଦାମିନୀ ରଥ । ସୌଦାମିନୀ ଶିଶୁ ସୁରକ୍ଷା କମିଟିର ଜଣେ ସଦସ୍ୟା । ଗତକାଲି ବିଳମ୍ବିତ ରାତିରେ କେହି ଦୁବୃର୍ତ୍ତ ଘରେ ପଶି ତାଙ୍କୁ ହତ୍ୟା କରିଛନ୍ତି ।
ଘରେ ଏକୁଟିଆ ଥିବା ସୌଦାମିନୀ କାହା ସହ ମୋବାଇଲରେ କଥା ହେଉଥିବା ସମୟରେ କେହି ଦୁବୃର୍ତ୍ତ ତାଙ୍କୁ ଆକ୍ରମଣ କରି ହତ୍ୟା କରିଥିବା ସୂଚନା । ଏନେଇ ଗୋଷାଣୀ ନୂଆଗାଁ ଥାନା ପୋଲିସର ତଦନ୍ତ ଆରମ୍ଭ କରିଛି । ସାଇଣ୍ଟିଫିକ ଟିମ ମଧ୍ୟ ପହଞ୍ଚି ତଦନ୍ତ କରୁଛି। ପୋଲିସ ବିଭିନ୍ନ ଦିଗକୁ ନେଇ ତଦନ୍ତ କରୁଛି । ମୃତକ ସୌଦାମିନୀ ଏକ ଏନ ଜି ଓ ରେ କାର୍ୟ୍ୟ କରୁଥିଲେ ।
ରାତି ୧୦.୪୦ରେ ସୌଦାମିନୀ ଫୋନରେ କଥା ହେଉଥିବା ବେଳେ ପଛପଟୁ କିଏ ଆକ୍ରମଣ କରିଥିବା ନେଇ ସହକର୍ମୀ କହିଛନ୍ତି । ହତ୍ୟାକାଣ୍ଡରେ ନିଜ ଡ୍ରାଇଭରର ସମ୍ପୃକ୍ତି। ଡ୍ରାଇଭର ସୀମାଞ୍ଚଳ ସାହୁ ଅଟକ ରଖାଯାଇଛି । ୩ମାସ ହେଲା ଡ୍ରାଇଭର ଭାବେ କାର୍ୟ୍ୟରତ ଥିଲା ସୀମାଞ୍ଚଳ। ଅଟକ ଡ୍ରାଇଭର ନିକଟରୁ ରକ୍ତଭିଜା ବସ୍ତ୍ର ଜବତ। ଏଥିରେ ଆଉ କାହାର ସମ୍ପୃକ୍ତି ଅଛି ସେନେଇ ଜାରି ରହିଛି ତଦନ୍ତ । ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଛି ।
