ଅଟୋରେ ପ୍ରସବ 

କାଶୀପୁର (ବଡ଼ ଖବର ବ୍ୟୁରୋ): ପୁଣିଥରେ ଫେଲ ମାରିଛି ସରକାରଙ୍କ ୧୦୮ ଆମ୍ବୁଲାନ୍ସ ଯୋଜନା । ଅଟୋରେ ପ୍ରସବ କଲେ ମହିଳା । ରାୟଗଡା ଜିଲ୍ଲା କାଶୀପୁର ବ୍ଳକ ବାଙ୍କମ୍ବା ପଞ୍ଚାୟତ ତଳ କୋଡିଙ୍ଗା ଗାଁରେ ଦେଖିବାକୁ ମିଳିଛି ଏଭଳି ଅଭାବନୀୟ ଦୃଶ୍ୟ । ମନୋହର ମୁଦୁଲୀଙ୍କ ସ୍ତ୍ରୀ ପ୍ରସବ ବେଦନାରେ ଛଟପଟ ହେଉଥିଲେ । ମେଡିକାଲ ନେବା ଲାଗି ୧୦୮ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ ସୁଦ୍ଧା ଠିକ ସମୟରେ ପହଁଞ୍ଚି ପାରିନଥିଲା । ଶେଷର ପରିବାର ଲୋକ ଆଶାକର୍ମୀଙ୍କ ସହାୟତାରେ ଅଟୋ ଯୋଗେ ମହିଳାଙ୍କୁ ମେଡିକାଲ ନେଉଥିବା ବେଳେ ଅଧାବାଟରେ ପ୍ରସବ କରିଥିଲେ । କିଛି ସମୟପରେ ୧୦୮ ଆମ୍ବୁଲାନ୍ସ ପହଁଞ୍ଚି ମା’ ଛୁଆଙ୍କୁ ନେଇ ଟିକିରି ସ୍ୱାସ୍ଥ୍ୟକେନ୍ଦ୍ରରେ ପହଁଞ୍ଚିଥିଲା । ଛୁଆର ସ୍ୱାସ୍ଥ୍ୟ ଅବସ୍ଥା ଗୁରୁତର ଥିବାରୁ ତାଙ୍କୁ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି ।