ଆସିଲା ବ୍ଲାକ୍ ଫଙ୍ଗସ ପାଇଁ ଔଷଧ, ଜାଣନ୍ତୁ କେମିତି ପାଇବେ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): କରୋନା ପରେ ବ୍ଲାକ ଫଙ୍ଗସ ସଂକ୍ରମଣ ପାଇଁ ସବୁଠି ଆତଙ୍କ । କିନ୍ତୁ ଏବେ ଏହାକୁ ନେଇ ଆସିଛି ଆସ୍ୱସ୍ଥି କର ଖବର । ବ୍ଲାକ ଫଙ୍ଗସ ପାଇଁ ବାହାରିଲାଣି ଔଷଧ । ଖୁବ ଶିଘ୍ର ଆରମ୍ଭ ହେବ ଏହାର ବିତରଣ । ମହାରାଷ୍ଟ୍ର ବର୍ଘା ସହରରେ ଥିବା ଜେନେଟିକ ଲାଇଫ ସାଇନ୍ସ କମ୍ପାନି ୨୭ ତାରିଖରେ ବ୍ଲାକ୍ ଫଙ୍ଗସ ପାଇଁ ଔଷଧ ଏମ୍ପୋଟେରେସିନ୍ – ବି ଇଂଜେକ୍ସନ୍ ନିର୍ମାଣ କରିଥିବା ପ୍ରକାଶ କରିଛି ।
କେନ୍ଦ୍ର ମନ୍ତ୍ରୀ ନିତିନ୍ ଗଡକରିଙ୍କ କାର୍ୟ୍ୟାଳୟ ଏହି ସୂଚନା ଦେଇଛି । ବ୍ଲାକ ଫଙ୍ଗସ୍ ସଂକ୍ରମଣ ପାଇଁ ପ୍ରସ୍ତୁତ ହୋଇଥିବା ଔଷଧର ମୂଲ୍ୟ ୧୨୦୦ ଟଙ୍କା ରହିଛି । ଏହି ଔଷଧର ବିତରଣ ସୋମବାର ଅର୍ଥାତ ୩୧ ମଇ ଠାରୁ ଆରମ୍ଭ ହେବ ବୋଲି ଜଣାଯାଇଛି । ଔଷଧର ଉତ୍ପାଦନ ପାଇଁ ୫ କମ୍ପାନିକୁ ଲାଇସେନ୍ସ ମିଳିଛି । ଔଷଧର ଅଭାବକୁ ଦେଖି ଏବେ ୫ଟି କମ୍ପାନିକୁ ଔଷଧ ନିର୍ମାଣ ପାଇଁ ଅନୁମତି ଦିଆଯାଇଛି । ତେବେ ଦେଶର ପ୍ରତିଟି କୋଣରେ ବ୍ଲାକ୍ ଫଙ୍ଗସର ଔଷଧ ପହଞ୍ଚାଇବା ପାଇଁ ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।