ରାଉରକେଲା(ବଡ଼ ଖବର ବ୍ୟୁରୋ): ୨୦୧୮ରେ ସଫଳତାରେ ସହ ଓଡ଼ିଶା ହକିବିଶ୍ୱକପ ଆୟୋଜନ କରିଥିଲା । ଏହି ବିଶ୍ୱକପ ଆୟୋଜନ ପରେ ସାରା ବିଶ୍ୱରେ ବାହା ବାହା ନେଇଥିଲା ଓଡ଼ିଶା । ପୁଣି ଥରେ ଏହି ଇତିହାସକୁ ଦେହରାଇବାକୁ ଯାଉଛି ଓଡ଼ିଶା । ୨୦୨୩ରେ ପୁଣି ଥରେ ଓଡ଼ିଶାରେ ଆୟୋଜନ ହେବାକୁ ଯାଉଛି ହକି ବିଶ୍ୱକପ । ଭୁବନେଶ୍ୱରର କଳିଙ୍ଗ ଷ୍ଟାଡିୟମ ସମେତ ରାଉଲକେଲାରେ ଏହି ଟୁର୍ଣ୍ଣାମେଣ୍ଟର ମ୍ୟାଚ ଆୟୋଜନ ହେବ । ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୂଚନା ଦେଇଛନ୍ତି ।
ଏହାକୁ ଦୃଷ୍ଟିରେ ରଖି ସ୍ଥାନୀୟ ବିଜୁ ପଟ୍ଟନାୟକ ହକି ଷ୍ଟାଡିୟମରେ ଭିତ୍ତିଭୂମି ବିକାଶ ପାଇଁ ପଦକ୍ଷେପ ଆରମ୍ଭ ହୋଇଛି । ରାଜ୍ୟ କ୍ରୀଡା ବିଭାଗର ଅଧିକାରୀ ନିୟମିତ ବ୍ୟବଧାନରେ ରାଉଲକେଲା ଗସ୍ତ କରି ସ୍ଥିତ ପରଖୁଛନ୍ତି ।ଆଜି ଆର୍ନ୍ତଜାତୀୟ ହକି ମହାସଂଘର ସଭାପତି ନରେନ୍ଦ୍ର ବାତ୍ରା ରାଉଲକେଲା ପହଞ୍ଚି ଷ୍ଟାଡିୟମର ଭିତ୍ତିଭୂମି ଯାଞ୍ଚ କରିଥିଲେ । ହକି ଷ୍ଟାଡିୟମର ସିଟ୍ ବ୍ୟବସ୍ଥା, ଶୌଚାଳୟ, ଡ୍ରେସିଂ ରୁମ, ଖେଳ ପଡ଼ିଆ ଉନ୍ନତୀକରଣ ବିଷୟରେ ଆଲୋଚନା କରିଥିଲେ ।
