ଆମ ଧୈର୍ଯ୍ୟର ପରୀକ୍ଷା ନେଉଛନ୍ତି: କେନ୍ଦ୍ରକୁ ସୁପ୍ରିମକୋର୍ଟଙ୍କ ଚେତାବନୀ
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଦେଶସାରା ଟ୍ରିବ୍ୟୁନାଲରେ ଖୋଲିଥିବା ପଦବୀ ପୂରଣରେ ବିଳମ୍ବ ନେଇ ସୁପ୍ରିମକୋର୍ଟର ପ୍ରଧାନ ବିଚାରପତି ଏନ ଭି ରମଣା, ଜଷ୍ଟିସ୍ ଡିୱାଇ ଚନ୍ଦ୍ରଚୂଡ଼ା ଓ ଜଷ୍ଟିସ ଏଲ ନାଗେନ୍ଦ୍ର ରାଓଙ୍କ ଖଣ୍ଡପୀଠ କେନ୍ଦ୍ର ସରକାରଙ୍କ ଉପରେ ଗତକାଲି ଖୁବ ବର୍ଷିଛନ୍ତି । ଖଣ୍ଡପୀଠ କହିଛନ୍ତି, କେନ୍ଦ୍ରସରକାର ଆମର ପରୀକ୍ଷା ନେଉଛନ୍ତି । ଟ୍ରିବ୍ୟୁନାଲକୁ ପ୍ରଭାବହୀନ କରିଦିଆଯାଇଛି ।
ଯେଉଁ ଆଇନ ବ୍ୟବସ୍ଥାକୁ ସୁପ୍ରିମ କୋର୍ଟ ନିରସ୍ତ କରିଦେଇଥିଲେ । ସରକାର ସେହି ଆଇନ ବ୍ୟବସ୍ଥାକୁ ଦ୍ୱିତୀୟବାର ଲାଗୁ କରିଛନ୍ତି । ବିଧାୟିକା ଯେକୌଣସି ରାୟର ଆଧାରକୁ ବଦଳାଇ ପାରିବେ । କିନ୍ତୁ ସୁପ୍ରିମକୋର୍ଟଙ୍କ ଜଜମେଣ୍ଟର ବିପରୀତରେ ଯାଇ ସରକାର(ବିଧାୟିକା) ଆଇନ ପ୍ରଣୟନ କରିପାରିବେ ନାହିଁ । ବାରମ୍ବାର ସୁପ୍ରିମ କୋର୍ଟ ଆଦେଶ ଦେବାପରେ ମଧ୍ୟ ଟ୍ରିବ୍ୟୁନାଲରେ ଖାଲିଥିବା ପଦ ପୂରଣ କରାଯାଉନାହିଁ ।
ଏ କ୍ଷେତ୍ରରେ ଆମ ପାଖରେ କେବଳ ତିନୋଟି ବିକଳ୍ପ ଅଛି । ପ୍ରଥମେ ଆମେ ଆଇନ ଉପରେ ରୋକ ଲଗାଇବୁ । ଦ୍ୱିତୀୟଟି ହେଉଛି ଆମେ ଟ୍ରିବ୍ୟୁନାଲ ବନ୍ଦ କରିବୁ କିମ୍ବା ଟ୍ରିବ୍ୟୁନାଲରେ ନିଯୁକ୍ତି ଦେବୁ । ତୃତୀୟ ବିକଳ୍ପ ସରକାରଙ୍କ ବିରୋଧରେ ଅଦାଲତ ଅବମାନନା ପ୍ରକ୍ରିୟା ଆରମ୍ଭ କରିବୁ ।