କାବୁଲର ଏକ ମସଜିଦରେ ଭୟଙ୍କର ବିସ୍ଫୋରଣ

କାବୁଲ(ବଡ଼ ଖବର ବ୍ୟୁରୋ):  ଆଫଗାନିସ୍ତାନର ରାଜଧାନୀ କାବୁଲ ନିକଟରେ ଭୟଙ୍କର ବିସ୍ଫୋରଣ ହୋଇଥିବା ନେଇ ସୂଚନା ମିଳିଛି । ହୋଇଥିବା ବିସ୍ଫୋରଣରେ ଅନେକ ସାଧାରଣ ନାଗରିକଙ୍କର ଜୀବନ ଯାଇଥିବା ଜଣା ପଡିଛି । ଏ ନେଇ ତାଲିବାନ ନିଜ ପକ୍ଷରୁ ସୂଚନା ଦେଇଛି । ତେବେ ବର୍ତ୍ତମାନ ଏ ଯାଏଁ କୌଣସି ସଙ୍ଗଠନ ନିଜକୁ ଦାୟୀ କରିନାହିଁ । ଅନୁମାନ କରାଯାଉଛି ଯେ, ଆଇଏସଆଇଏସ-କେ ତଥା ଇସଲାମିକ–ଷ୍ଟେଟ-ଖୁରାସନ ଏହି ଆକ୍ରମଣ କରିଛି ।

କିନ୍ତୁ ଏହାକ କୌଣସି ସ୍ପଷ୍ଟ ପ୍ରମାଣ ମିଳିପାରିନାହିଁ । ଆଇଏସଆଇଏସ ହେଉଛି ବିଶ୍ୱ ଆତଙ୍କବାଦୀ ସଂଗଠନ ଇସଲାମିକ ଷ୍ଟେଟର ଆଫଗାନିସ୍ତାନ ଶଖା । ତେବେ ସୂଚନା ଅନୁଯାୟୀ, ତାଲିବାନର ଜଣେ ବରିଷ୍ଠ ଅଧିକାରୀ କହିଛନ୍ତି ଆଫଗାନିସ୍ତାନର ରାଜଧାନୀ କାବୁଲର ଏକ ମସଜିଦ ବାହାରେ ବୋମା ବିସ୍ଫୋରଣ ହୋଇଛି । ଯେଉଁଥିର ବହୁ ସଂଖ୍ୟକ ସାଧାରଣ ନାଗରିକଙ୍କ ଜୀବନ ଯାଇଛି । ଏ ନେଇ ତାଲିବାନ ମୁଖପାତ୍ର ଜାବିଉଲ୍ଲା ମୁଜାହିଦ ନିଜେ ଟ୍ୱିଟ କରି କହିଛନ୍ତି, କାବୁଲର ଇଦଗାହ ମସଜିଦ ପ୍ରବେଶ ଦ୍ୱାର ନିକଟରେ ଏହି ବିସ୍ଫେରଣ ହୋଇଛି । ଏଥିରେ ଅନେକ ଲୋକଙ୍କ ମୃତ୍ୟୁ ହୋଇଥିବା ଜଣାପଡିଛି ।