ପୂର୍ବତନ ବିଜେପି ବିଧାୟକଙ୍କୁ ୧୦ ବର୍ଷ ଜେଲଦଣ୍ଡ
ରାଜସ୍ଥାନ (ବଡ଼ ଖବର ବ୍ୟୁରୋ): ବିଜେପିର ଜଣେ ପୂର୍ବତନ ବିଧାୟକଙ୍କୁ ୧୦ ବର୍ଷ ଜେଲ ଦଣ୍ଡ ସହ ଏକ ଲକ୍ଷର ଜରିମାନା । ୨୦ ବର୍ଷ ତଳର ଏକ ଦୁଷ୍କର୍ମ ମାମଲାରେ ଶୁଣାଣି କରିଛନ୍ତି କୋର୍ଟ । ଏହି ରାଶି ପୀଡ଼ିତାଙ୍କୁ ପ୍ରଦାନ କରାଯିବ । ଏଭଳି ଦୃଶ୍ୟ ଦେଖିବାକୁ ମିଳିଛି ରାଜସ୍ଥାନର ନାଗୌର ଜିଲ୍ଲାର ମକରାନାରରେ । ଘଟଣା ଘଟିବା ସମୟରେ ପୂର୍ବତନ ବିଧାୟକଙ୍କ ବୟସ ୬୬ ବର୍ଷ ହୋଇଥିବା ବେଳେ ମହିଳାଙ୍କର ବୟସ ୨୨ ବର୍ଷ ଥିଲା ।
ସୂଚନା ଅନୁସାରେ ରାଜସ୍ଥାନର ନାଗୌର ଜିଲ୍ଲାର ମକରାନାର ପୂର୍ବତନ ବିଧାୟକ ଭୱଁରଲାଲ ରାଜପୁରୋହିତଙ୍କୁ ୧୦ ବର୍ଷର ଜେଲଦଣ୍ଡ ଶୁଣାଣି କରିଛନ୍ତି କୋର୍ଟ । ଏକ ପୁରୁଣା ଦୁଷ୍କର୍ମ ମାମଲାରେ ରାଜପୁରୋହିତଙ୍କୁ ୧୦ ବର୍ଷର ଜେଲଦଣ୍ଡ ସହିତ ୧ ଲକ୍ଷ ଟଙ୍କାର ଜରିମାନା ଆଦେଶ ହୋଇଛି । ଏହି ଶୁଣାଣି ସମୟରେ ୮୬ ବର୍ଷୀୟ ପୂର୍ବତନ ବିଧାୟକ କୋର୍ଟରେ ଉପସ୍ଥିତ ଥିଲେ । ହ୍ୱିଲଚେୟାରରେ ବସାଇ ତାଙ୍କୁ କୋର୍ଟକୁ ଅଣାଯାଇଥିଲା । ତେବେ ମକରାନା ଏଡିଜେ କୋର୍ଟଙ୍କ ନିଷ୍ପତ୍ତି ପରେ ରାଜପୁରୋହିତଙ୍କୁ ପୋଲିସ ଗିରଫ କରିଥିଲା । ମେଡିକାଲ ଟେଷ୍ଟ କରିବା ପରେ ତାଙ୍କୁ ପରବତସର ଜେଲକୁ ପଠାଇ ଦିଆଯିବ ।
ଗତ ୨୦୦୨ ମସିହା ମେ ୧ରେ ରାଜପୁରୋହିତଙ୍କ ବିରୋଧରେ ମକରାନା ଥାନା ମନାନା ଗ୍ରାମର ଜଣେ ମହିଳା ଦୁଷ୍କର୍ମ ମାମଲା ଦାୟର କରିଥିଲେ । ବର୍ତ୍ତମାନ ରାଜପୁରୋହିତଙ୍କୁ ୮୬ ବର୍ଷ ହୋଇଥିବା ବେଳେ ପୀଡ଼ିତ ମହିଳାଙ୍କୁ ୪୩ ବର୍ଷ ହୋଇଛି ।
