ଶ୍ରୀରାମ ନବମୀରେ ମାହାଙ୍ଗାରେ ବଜରଙ୍ଗ ଦଳର ଶୋଭାଯାତ୍ରା

ମାହାଙ୍ଗା(ବଡ଼ ଖବର ବ୍ୟୁରୋ): ଶ୍ରୀରାମ ନବମୀରେ ବଜରଙ୍ଗ ଦଳ ପକ୍ଷରୁ ମାହାଙ୍ଗା ନିର୍ବାଚନ ମଣ୍ଡଳୀରେ ଏକ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ବଜରଙ୍ଗ ଦଳ ରାଜ୍ୟ ପୂର୍ବପ୍ରାନ୍ତ ସଂଯୋଜକ ପ୍ରଭାତ ରଞ୍ଜନ ତ୍ରିପାଠୀଙ୍କ ନେତୃତ୍ୱରେ ହଜାର ହଜାର କର୍ମୀ ବାଇକ ଶୋଭାଯାତ୍ରାରେ ଜୟ ଶ୍ରୀରାମ ନାରା ଦେଇ ବିଭିନ୍ନ ଅଞ୍ଚଳ ପରିକ୍ରମା କରିଥିଲେ । ସପନପୁର ହନୁମାନ ମନ୍ଦିରରୁ ନିଶ୍ଚିନ୍ତକୋଇଲି ରଘୁନାଥଜୀୟୁ ମନ୍ଦିର ଏବଂ ନେମାଳ, ନଗେଶପୁର, କଟିକଟା, ଶୁକରପଡା, ବନ୍ତଳା ଏବଂ ଗୋପାଳପୁର ଦେଇ ଉମର ହନୁମାନ ମନ୍ଦିରରେ ଏହି ରାଲି ପହଞ୍ଚିଥିଲା ।