ନାରୀ ନିର୍ଯାତନା ବୃଦ୍ଧି ପ୍ରତିବାଦରେ ୧୨ ଘଣ୍ଟିଆ ବଲାଙ୍ଗୀର ବନ୍ଦ ଡାକରା

ବଲାଙ୍ଗୀର (ବଡ଼ ଖବର ବ୍ୟୁରୋ): ଆଜି ୧୨ ଘଣ୍ଟିଆ ବଲାଙ୍ଗୀର ବନ୍ଦ । ପଶ୍ଚିମ ଓଡ଼ିଶା ସଂଗଠନ ପକ୍ଷରୁ ବନ୍ଦ ଡ଼ାକରା ଦିଆଯାଇଛି । ନାରୀ ନିର୍ଯାତନା ବୃଦ୍ଧିକୁ ନେଇ ଦିଆଯାଇଛି ବନ୍ଦ ଡ଼ାକରା । ଚକଅଖ ବନ୍ଦ ସହ ମୁଖ୍ୟ ଡାକଘର ବନ୍ଦ କଲେ ପଶ୍ଚିମ ଓଡ଼ିଶା ସଂଗଠନ । ମହିଳାମାନଙ୍କ ପ୍ରତି ଅନ୍ୟାୟ ଅତ୍ୟାଚାର ଅତିମାତ୍ରାରେ ହେଉଥିଲେ ମଧ୍ୟ ସେମାନଙ୍କୁ ଉଚିତ ନ୍ୟାୟ କି ସୁରକ୍ଷା ମିଳୁନାହିଁ ବୋଲି ପଶ୍ଚିମ ଓଡ଼ିଶା ମହିଳା ସଂଗଠନ ଅଭିଯୋଗ କରିଛି।

ଏହାର ପ୍ରତିବାଦରେ ସଂଗଠନ ଆଜି ବନ୍ଦ ଡାକରା ଦେଇଛି। ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ସମସ୍ତ ସରକାରୀ, ବେସକାରୀ ଶିକ୍ଷାନୁଷ୍ଠାନ, କାର୍ଯ୍ୟାଳୟ, ଦୋକାନ ବଜାର, ଯାନବାହନ ଚଳାଚଳ ବନ୍ଦ କରିବାକୁ ସଂଗଠନ ଆହ୍ବାନ ଦେଇଛି। ଏହି ବନ୍ଦ ଡାକରାକୁ ନଗର କଂଗ୍ରେସ କମିଟି ପକ୍ଷରୁ ପୂର୍ଣ୍ଣ ସମର୍ଥନ ଘୋଷଣା କରାଯାଇଛି। ସେହିପରି ବଲାଙ୍ଗୀରର ବିଭିନ୍ନ ସଂଗଠନ ମଧ୍ୟ ଏହାକୁ ସମର୍ଥନ କରିଥିବା ମହିଳା ସଂଗଠନ ପକ୍ଷରୁ ସୂଚନା ଦିଆଯାଇଛି।