ରାଜ କୁନ୍ଦ୍ରାଙ୍କୁ ମିଳିଲା ବେଲ୍

ମୁମ୍ବାଇ(ବଡ଼ ଖବର ବ୍ୟୁରୋ):  ନିକଟରେ ଅଶ୍ଲୀଳ ଫିଲ୍ମ ନିର୍ମାଣ ଅଭିଯୋଗରେ ଗିରଫ ହୋଇଥିଲେ ଶିଳ୍ପା ସେଟ୍ଟୀଙ୍କ ସ୍ୱାମୀ ତଥା ବ୍ୟବସାୟୀ ରାଜ କୁନ୍ଦ୍ରା । ତେବେ ତାଙ୍କୁ ଆଜି ଜାମିନ ମିଳିଛି । ରାଜ କୁନ୍ଦ୍ରାଙ୍କୁ ମୁମ୍ବାଇ ହାଇକୋର୍ଟ ୫୦.୦୦୦ ଟଙ୍କା ମୁଚାଲିକାରେ ତାଙ୍କୁ ଜାମିନ ମିଳିଛି । ସେହିପରି ରାଜ କୁନ୍ଦ୍ରାଙ୍କ ଆଇଟି ହେଡ୍ ରିୟାନ ଥୋରପେଙ୍କୁ ମଧ୍ୟ ଜାମିନ ମିଳିଛି । ଉଭୟଙ୍କ ଓକିଲ ପ୍ରଶାନ୍ତ ପାଟିଲ କୋର୍ଟରେ ଯୁକ୍ତି ସ୍ଥାପନ କରିଥିଲେ । ତେବେ ସେ କହିଥିଲେ ଯେ, ପ୍ଳାଟଫର୍ମରେ କେଉଁ କଣ୍ଟେଣ୍ଟ ଅପଲୋଡ ହେବ ତାହା ସେଲିବ୍ରେଟି ଓ କଣ୍ଟେଣ୍ଟ ପ୍ରଡ୍ୟୁସର ନିଷ୍ପତି ନେବେ । ରାଜକୁନ୍ଦ୍ରା ଓ ତାଙ୍କ ସହଯୋଗୀ ରିୟାନ ନିଷ୍ପତି ନିଅନ୍ତି ବୋଲି ତାଙ୍କ ଓକିଲ କୋର୍ଟରେ କହିଥିଲେ ।

ସୂଚନା ଅନୁଯାୟୀ ସରକାରୀ ଓକିଲ ରାଜ କୁନ୍ଦ୍ରାଙ୍କ ଜାମିନ ଆବେଦନକୁ ବିରୋଧ କରୁଥିଲେ । ରାଜକୁନ୍ଦ୍ରା ଓ ତାଙ୍କ ସହଯୋଗୀଙ୍କୁ ଜାମିନ ମିଳିଲେ ପ୍ରମାଣ ଟ୍ୟାମ୍ପରିଂ ହେବାର ଆଶଙ୍କା ରହିଛି ବୋଲି କୁହାଯାଉଥିଲା । କିନ୍ତୁ କୋର୍ଟ ଉଭୟଙ୍କ ଜାମିନକୁ ମଞ୍ଜୁରି କରିଥିଲା । ଖବର ଅନୁଯାୟୀ ଅଶୀଳ୍ଲ ଫିଲ୍ମ ପ୍ରସ୍ତୁତ କରିବା ଅଭିଯୋଗରେ ଗତ ଜୁଲାଇ ୧୯ରେ ଗିରଫ ହୋଇଥିଲେ ରାଜ କୁନ୍ଦ୍ରା । ୨୦୧୯ରୁ ରାଜ କୁନ୍ଦ୍ରା ୧୦୦ରୁ ଅଧିକ ଅଶ୍ଲୀଳ ଫିଲ୍ମ ତିଆରି କରିଥିବା ନେଇ ଯାଞ୍ଚ କରୁଥିବା ପୋଲିସ ଅଧିକାରୀ କହିଥିଲେ । ତେବେ କ୍ରାଇମ ବ୍ରାଞ୍ଚ ରାଜ କୁନ୍ଦ୍ରାଙ୍କ କାର୍ଯ୍ୟାଳୟରେ ଚଢ଼ାଉ କରି ଅଶ୍ଲୀଳ ଫିଲ୍ମକୁ ନେଇ କିଛି ତଥ୍ୟ ମଧ୍ୟ ପାଇଥିଲା । ପୋଲିସର କହିବା ଅନୁଯାୟୀ ଏକାଧିକ ତଥ୍ୟକୁ ଡିଲେଟ କରାଯାଇଛି । ଯାହାକୁ ହାସଲ କରିବା ପାଇଁ ସମୟ ଲାଗିବ ବୋଲି କ୍ରାଇମବ୍ରାଞ୍ଚ ପକ୍ଷରୁ କୁହାଯାଇଥିଲା ।