୭୨ ଘଣ୍ଟା ବଢିଲା ବେଦାନ୍ତ ଫେକର କମ୍ପାନୀ ପରିସରରେ କଟକଣା

ଭଦ୍ରକ(ବଡ଼ ଖବର ବ୍ୟୁରୋ): ୭୨ ଘଣ୍ଟା ପାଇଁ ବଢିଲା ୧୪୪ ଅବଧି । ବେଦାନ୍ତ ଫେକର କମ୍ପାନୀ ପରିସରରେ କଟକଣା ବଢାଇ ଦିଆଯାଇଛି । ଶ୍ରମିକ ଅଶାନ୍ତି ଓ ଆଇନ ଶୃଙ୍ଖଳା ପରିସ୍ଥିତିକୁ ଦେଖି ନିଷ୍ପତ୍ତି ନିଆଯାଇଛି । ଜିଲ୍ଲା ପ୍ରଶାସନ ତରଫରୁ କଟକଣା ଅବଧି ବୃଦ୍ଧି କରାଯାଇଛି । ଆଜିଠୁ ୨୫ ତାରିଖ ସକାଳ ୬ ପର୍ଯ୍ୟନ୍ତ ଜାରି ରହିବ କଟକଣା । ସୂଚନା ଅନୁସାରେ, ଦୁଇ ଗୁରୁତର ଶ୍ରମିକଙ୍କ ମଧ୍ୟରୁ ପୂର୍ବରୁ ଜଣେ ଶ୍ରମିକ ରତିକାନ୍ତ ସୁତାରଙ୍କ ମୃତ୍ୟୁ ହୋଇଥିଲା । ତେବେ ଗତକାଲି ରାତିରେ ଅନ୍ୟ ଜଣେ ଗୁରୁତର ଶ୍ରମିକ ବିଜୟ ମହାପାତ୍ରଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । କିନ୍ତୁ କମ୍ପାନୀ ତରଫରୁ କୌଣସି ସୂଚନା ମିଳିନାହିଁ ।