୨ମାସ ପର୍ଯ୍ୟନ୍ତ ୧୪୪

କରଞ୍ଜିଆ(ବଡ଼ ଖବର ବ୍ୟୁରୋ): କରଞ୍ଜିଆ ଥାନା ଚଢେଇଭୋଳ ଗାଁର କୁମ୍ଭାର ସାହିରେ ଲାଗିଲା ୧୪୪ । ଆଜିଠୁ ୨ମାସ ପର୍ଯ୍ୟନ୍ତ ୧୪୪ ଲାଗୁ କରାଯାଇଛି । ରାମନବମୀରେ ଧର୍ମୀୟ ପତାକା ଚିରାକୁ ନେଇ ମୁହାଁମୁହିଁ ହୋଇଥିଲେ ଦୁଇ ସମ୍ପ୍ରଦାୟ। ପରେ ପୋଲିସ ଉପସ୍ଥିତିରେ ଆପୋଷ ବୁଝାମଣା କରିଥିଲେ ଦୁଇ ସମ୍ପ୍ରଦାୟ। ୧୨ଡେସିମିଲ ସରକାରୀ ଜମିରେ ମନ୍ଦିର ତିଆରି କରିବାକୁ ଯୋଜନା କରିଥିଲେ ଗୋଟିଏ ପକ୍ଷ।

ତେବେ ଅନ୍ୟ ପକ୍ଷ ମନ୍ଦିର ତିଆରି କରିବା ନେଇ ଗୁଇନ୍ଦା ସୂଚନା ପାଇବା ପରେ ଗୋଷ୍ଠୀ ସଂଘର୍ଷ ରୋକିବା ଓ ଅଞ୍ଚଳର ଶାନ୍ତିବଜାୟ ରଖିବା ପାଇଁ କରଞ୍ଜିଆ ଉପଜିଲ୍ଲାପାଳ ୧୪୪ ଧାରା ଲାଗୁ କରିଛନ୍ତି । ଅନ୍ୟପଟେ ଏବେବି ଚଢେଇଭୋଳରେ ଗୋଟିଏ ପ୍ଲାଟୁନ ପୋଲିସ ଫୋର୍ସ ମୁତୟନ ଥିବା ସୂଚନା ରହିଛି।