ହାତୀ ଆକ୍ରମଣ, ୨ ମୃତ
ଅନୁଗୁଳ(ବଡ଼ ଖବର ବ୍ୟୁରୋ): ହାତୀ ନେଲା ୨ ଜୀବନ । ଅନୁଗୁଳ ବନଖଣ୍ଡ ବନ୍ତଳା ରେଞ୍ଜ ବଡ଼ କନ୍ତକୁଳ ଗାଁରେ ହାତୀ ଆକ୍ରମଣର ଶିକାର ହୋଇଛନ୍ତି ଦୁଇଜଣ ମହିଳା । ବଡକନ୍ତକୁଳ ଗାଁର ମୁଳି ପ୍ରଧାନ ଏବଂ ଗୌରୀ ରାଉଳ ଆମ୍ବ ଗୋଟାଇବାକୁ ଯାଇଥିଲେ । ଏହି ସମୟରେ ହାତୀ ଦଳି ଦେଇଥିବା ସୂଚନା ମିଳିଛି । ଘଟଣା ସ୍ଥଳରେ ମୁଳି ପ୍ରଧାନଙ୍କ ମୃତ୍ୟୁ ହୋଇଥିବା ବେଳେ ଡାକ୍ତରଖାନାରେ ଗୌରୀଙ୍କର ମୃତ୍ୟୁ ହୋଇଛି । ଖବର ପାଇଁ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛି ।