ନିଜ ବୟାନକୁ ନେଇ ପୁଣି ଚର୍ଚ୍ଚାରେ ଶିକ୍ଷା ମନ୍ତ୍ରୀ ଗୋବିନ୍ଦ ସିଂ

ଜୟପୁର(ବଡ଼ ଖବର ବ୍ୟୁରୋ):   ନିଜ ବୟାନକୁ ନେଇ ପୁଣି ଚର୍ଚ୍ଚାରେ ରାଜସ୍ଥାନର ଶିକ୍ଷା ମନ୍ତ୍ରୀ ଗୋବିନ୍ଦ ସିଂହ ଦୋତାସ୍ର । ସ୍କୁଲରେ ଅଧିକ ସଂଖ୍ୟକ ମହିଳା ଷ୍ଟାପକୁ ନେଇ ସେ ବିବାଦୀୟ ବୟାନ ଦେଇଛନ୍ତି । ଯାହାକି ଏବେ ଚର୍ଚ୍ଚାରେ । ସେ କହିଛନ୍ତି ଯେଉଁ ସ୍କୁଲରେ ମହିଳା କର୍ମଚାରୀଙ୍କ ସଂଖ୍ୟା ଅଧିକ ଥାଏ, ସେଠି ବିଭିନ୍ନ କାରଣକୁ ନେଇ ଝଗଡା ଅଧିକ ହୁଏ । ତେବେ ଅନ୍ତର୍ଜାତିକ ବାଳିକା ଦିବସ ଆବସରରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେଇ ଶିକ୍ଷାମନ୍ତ୍ରୀ ଏପରି କହିଛନ୍ତି ।

ସେ ଆହୁରି କହିଛନ୍ତି, ଯଦି ଏହି ସବୁ ଛୋଟ ଛୋଟ ଜିନିଷ ସବୁ ସଂଶୋଧନ କର ତେବେ ତମେମାନେ ପୁରୁଷଙ୍କ ଠାରୁ ଆଗରେ ରହିପାରିବ । ରାଜସ୍ଥାନ ସରକାର ସବୁବେଳେ ମହିଳାଙ୍କ ସୁରକ୍ଷାକୁ ଅଧିକ ପ୍ରାଥମିକତା ଦେଇଛନ୍ତି । ସେମାନଙ୍କୁ ଚାକିରିରେ ଯୋଗ୍ୟ ପୋଷ୍ଟ ମଧ୍ୟ ପ୍ରଦାନ କରିଛନ୍ତି । ଚାକିରି ଚୟନ ଏବଂ ପଦୋନ୍ନତି କ୍ଷେତ୍ରରେ ଆମେ ମହିଳାମାନଙ୍କୁ ଆଗ୍ରାଧିକାର ଦେଇଛୁ । ଗୋବିନ୍ଦ ସିଂ ଏବେ ରାଜସ୍ଥାନର ଶିକ୍ଷାମନ୍ତ୍ରୀ ଅଛନ୍ତି । ସେ ସୋମବାର ଦିନ ଅନ୍ତରାଷ୍ଟ୍ରୀୟ ବାଳିକା ଦିବସ ଆବସରରେ ଜୟପୁରେ ଅନୁଷ୍ଠିତ ସଶକ୍ତ ବାଳିକା ସଶକ୍ତ ରାଜସ୍ଥାନ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି ସମୟରେ ସେ ମହିଳାଙ୍କୁ ନେଇ ଏଭଳି ମନ୍ତବ୍ୟ ଦେଇଥିବା ଜଣାପଡିଛି ।