ଦିଲ୍ଲୀରୁ ପାକିସ୍ତାନ ଆତଙ୍କବାଦୀ ଗରଫ

(ବଡ଼ ଖବର ବ୍ୟୁରୋ)   ଦିଲ୍ଲୀରୁ ପାକିସ୍ତାନ ଆତଙ୍କବାଦୀ ଗିରଫ ହୋଇଛି । ଦିଲ୍ଲୀ ପୋଲିସର ସ୍ପେଶାଲ ସେଲ ଲକ୍ଷ୍ମୀନଗର ଅଞ୍ଚଳରୁ ଆତଙ୍କବାଦୀକୁ ଗିରଫ କରିଛି । ଏହି ଆତଙ୍କବାଦୀ ଭାରତୀୟ ନାଗରିକର ଫେକ ଆଇଡି ସହ ରହୁଥିଲେ । ତା ନିକଟରୁ ଏକେ-୪୭ ରାଇଫଲ, ହ୍ୟାଣ୍ଡ ଗ୍ରେନେଡ, ୫୦ ରାଉଣ୍ଡର ଦୁଇଟି ପିସ୍ତଲ ଜବତ ହୋଇଛି । ଏହି ଆତଙ୍କବାଦୀକୁ ଆଇଏସଆଇ ଭାରତରେ ଆକ୍ରମଣ ପାଇଁ ଟ୍ରେନିଂ ଦେଇଥିବା ସୂଚନା ମିଳିଛି ।

ତାଙ୍କୁ ଗିରଫ କରାଯିବା ପରେ ଏବେ ପଚରାଉଚରା କରାଯାଉଛି । ତେବେ ଦିଲ୍ଲୀ ପୋଲିସ ପକ୍ଷରୁ କୁହାଯାଇଛି ଯେ, ଗତକାଲି ତାଙ୍କୁ ୯ ଟା ୩୦ରେ ମହମ୍ମଦ ଓରଫ ଅଲ୍ଲୀ ନାମକ ଏକ ପାକିସ୍ତାନି ଯୁବକଙ୍କୁ ଗିରଫ କରିଛି ପୋଲିସ । ସେ ଭାରତୀୟ ନାଗରିକ ଭାବେ ନିଜର ପରିଚୟ ଦେଇ ରହୁଥିଲେ । ସୂଚନା ଅନୁଯାୟୀ ସେ ନୁରୀ ନାଁରେ ଏକ ଫେକ ଆଇଡି କରିଥିଲା । ଏଥିପାଇଁ ସେ ଜାଲ କାଗଜ ପତ୍ର ବ୍ୟବହାର କରିଥିଲା । ସୂତ୍ରରୁ ଜଣାପଡିଛି ଯେ ଦିଲ୍ଲୀରେ ଏକ ବଡ ଧରଣର ଆତଙ୍କବାଦୀ ଆକ୍ରମଣ କରିବାକୁ ଯୋଜନା କରୁଥିଲା ।