ଗୋରୁଚାଲାଣକୁ ନେଇ ୫ଜଣ ଗିରଫ

କେନ୍ଦୁଝର(ବଡ଼ ଖବର ବ୍ୟୁରୋ): ବେଆଇନ ଗୋରୁଚାଲାଣ କଣ୍ଟେନର ଜବତ କରିଛି ପୋଲିସ । କେନ୍ଦୁଝର ଜିଲ୍ଲା ସୋହେଲ ଠାରୁ କଲିକତାକୁ ଗାଇ ଚୋରା ଚାଲାଣ କରାଯାଉଥିଲା । ଚୋରାରେ ୮୦ରୁ ଅଧିକ ଗୋରୁ ଭର୍ତ୍ତି ହୋଇ କଲିକତା ଚୋରା ଚାଲାଣ ହେଉଥିବା ବେଳେ କିଛି ସ୍ଥାନୀୟ ଲୋକେ ଏହାକୁ ଜାଣିପାରି ସହରର ଗାନ୍ଧୀ ଛକ ନିକଟରେ କଣ୍ଟେନର ଦୁଇଟିକୁ ଅଟକ ରଖିଥିଲେ। ଅସହ୍ୟ ଯନ୍ତ୍ରଣା ରେ କିଛି ଗୋରୁଙ୍କର କଣ୍ଟେନର ଭିତରେ ମୃତ୍ୟୁ ହୋଇଯାଇଥିବା ବେଳେ, କିଛି ଗୋରୁ ଖଣ୍ଡିଆ ଖାବରା ହୋଇଯାଇଥିବା ସହ ଆଉ କିଛି ଗୋରୁ ତଳେ ପଡି ଅସହ୍ୟ ଯନ୍ତ୍ରଣାରେ ଛଟପଟ ହୋଇ ମୃତ୍ୟୁ ସହ ସଂଗ୍ରାମ କରୁଥିବା ଦେଖିବାକୁ ମିଳିଥିଲା।

ଡ୍ରାଇଭର ସମେତ ୫ ଜଣଙ୍କୁ ଗିରଫ କରି ପଚରାଓଚରା ଚଳାଇଛି ପୋଲିସ । ଦୁଇଟି କଣ୍ଟେନରରେ ବେଆଇନ ଭାବରେ ୮୦ରୁ ଅଧିକ ଗୋରୁ ଭର୍ତ୍ତି କରି କଲିକତା ଚାଲାଣ କରାଯାଉଥିଲା । ସ୍ଥାନୀୟ ଲୋକେ ଗାନ୍ଧୀ ଛକ ନିକଟରେ କଣ୍ଟେନରକୁ ଅଟକ ରଖିଥିଲେ । ପରେ ପୋଲିସକୁ ଖବର ଦେଇଥିଲେ ।