ଶୋଇଥିବା ବେଳେ ଜଳିଗଲେ ପରିବାରର ୫ ସଦସ୍ୟ

ଉତ୍ତରପ୍ରଦେଶ(ବଡ଼ ଖବର ବ୍ୟୁରୋ): ଘରେ ଶୋଇଥିବା ବେଳେ ଜଳିଗଲେ ପରିବାରର ୫ ସଦସ୍ୟ । ଏଭଳୀ ହୃଦୟ ବିଦାରକ ଦୃଶ୍ୟ ଦେଖିବାକୁ ମିଳିଛି କାନପୁରର ଦେହତରେ । ଅଗ୍ନିକାଣ୍ଡରେ ସ୍ୱାମୀ, ସ୍ତ୍ରୀ ଏବଂ ତିନି ନିରୀହ ପିଲାଙ୍କର ମୃତ୍ୟୁ ଘଟିଛି । ଶନିବାର ବିଳମ୍ବିତ ରାତିରେ ନିଆଁ ଲାଗିଥିଲା । ସର୍ଟ ସର୍କିଟ ଯୋଗୁଁ ନିଆଁ ଲାଗିଥିବା କୁହାଯାଉଛି । ଗୋଟିଏ ପରିବାରର ୭ ଜଣ ନିଆଁରେ ଫସିଥିବା ବେଳେ ଜଣେ ବୃଦ୍ଧ ମହିଳା ଏବଂ ଏକ ନବଜାତ ଶିଶୁକୁ ନିଆଁରୁ ଉଦ୍ଧାର କରାଯାଇଛି । ଉଭୟଙ୍କୁ ଚିକିତ୍ସା ପାଇଁ ଜିଲ୍ଲା ଡାକ୍ତରଖାନାରେ ଭର୍ତ୍ତି କରାଯାଇଛି। ନିଆଁର ପ୍ରକୋପ ଏତେ ଥିଲା ଆୟତ କରିବା ଅସମ୍ଭବ ହୋଇପଡ଼ିଥିଲା । ଖବର ପାଇ ଜିଲ୍ଲାର ଡିଏମ ଏବଂ ଏସପି ଘଟଣା ସ୍ଥଳରେ ପହଞ୍ଚିଥିଲେ ।