‘ମୋ ପରିବାରର ୬ ସଦସ୍ୟ.. ହେଲେ ଭୋଟ ଗଲା କୁଆଡ଼େ?’
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ୫ ରାଜ୍ୟରେ ବିଧାନସଭା ନିର୍ବାଚନ ଫଳ ବାହାରିବା ପରେ ରାଜନୀତି ରୋଚକ ମୋଡ଼ ନେଇଛି । ତିନି ରାଜ୍ୟରେ ବିଜେପି ବିଜୟ ଲାଭ କରିଛି । କିନ୍ତୁ ଫଳାଫଳ ପରେ ଏକ ଅଦ୍ଭୁତ ଘଟଣା ସାମ୍ନାକୁ ଆସିଛି। ରାଜ୍ୟର କୁରୁଦ ବିଧାନସଭା ଆସନରୁ ବହୁଜନ ସମାଜବାଦୀ ପାର୍ଟି (ବିଏସପି) ପ୍ରାର୍ଥୀ ଏକ ଅଭିଯୋଗ ଆଣିଛନ୍ତି । କୁରୁଦ ପ୍ରାର୍ଥୀ ଲାଲଚାନ୍ଦ ପଟେଲ କହିଛନ୍ତି ମୋ ପରିବାରର ୬ଜଣ ସଦସ୍ୟଙ୍କ ଭୋଟ ମଧ୍ୟ ପାଇ ନାହିଁ। ସେ ପ୍ରଶ୍ନ କରିଛନ୍ତି ଯେତେବେଳେ ପରିବାରର ୬ ଜଣ ଲୋକ ଭୋଟ ଦେଇଥିଲେ, ସେମାନଙ୍କ ମଧ୍ୟରୁ ଜଣେ ମଧ୍ୟ ତାଙ୍କ ଆକାଉଣ୍ଟକୁ ଇଲେକ୍ଟ୍ରୋନିକ ଭୋଟିଂ ମେସିନ (ଇଭିଏମ) ରେ କ୍ରେଡିଟ ହୋଇ ନ ଥିଲା ।
ତେବେ ଏହି ଭୋଟ କୁଆଡେ ଗଲା? ଭୋଟ ଗଣନାକୁ ନେଇ ସନ୍ଦେହ ପ୍ରକାଶ କରି ତାଙ୍କ ସହକର୍ମୀ ନେତା ବର୍ତ୍ତମାନ ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ କରିବାକୁ ନିଷ୍ପତ୍ତି ନେଇଛନ୍ତି। ସେହିପରି ଦଳର ଧାମତରି ପ୍ରାର୍ଥୀ ଘନାରାମ ସାହୁ ମଧ୍ୟ ଭୋଟ ଗଣନାରେ ସନ୍ତୁଷ୍ଟ ନୁହଁନ୍ତି। ଏହି ଉଭୟ ନେତା ଆଶଙ୍କା ବ୍ୟକ୍ତ କରିଛନ୍ତି ଇଭିଏମରେ ସେଟିଂ କରାଯାଇଛି । ଏହି ସେଟିଂ ଯୋଗୁଁ ଅନ୍ୟ ଦଳର ଭୋଟ ମଧ୍ୟ ବିଜେପି ପାଇଛି। ତେବେ ବିଏସପି ପ୍ରାର୍ଥୀ ଘନାରାମ ସାହୁ କହିଛନ୍ତି ସେ ଏହି ପ୍ରସଙ୍ଗରେ ଜିଲା ନିର୍ବାଚନ ଅଧିକାରୀଙ୍କ ନିକଟରେ ଅଭିଯୋଗ କରିବେ। ଏଠାରେ ପୁଣି ନିର୍ବାଚନ ହେବା ଉଚିତ ବୋଳି କହିଛନ୍ତି ଘନଶ୍ୟାମ ।