ସଂସଦ ବାହାରେ କୃଷକ ସଂସଦ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ) : ସଂସଦରେ ମୈାସୁମୀ ଅଧିବେଶନ ଚାଲିଥିବା ବେଳେ ଆଜି କୃଷକ ମାନେ ସଂସଦ ଭବନ ସାମ୍ନାରେ ଧାରଣାରେ ବସିଛନ୍ତି । ଦିଲ୍ଲୀର ଯନ୍ତରମନ୍ତର ଠାରେ ଦୈନିକ ୨୦୦ କୃଷକ ଧାରଣାରେ ବସିବେ । କୃଷକ ଆନ୍ଦୋଳନର ନେତୃତ୍ୱ ନେଉଥିବା ସଂଯୁକ୍ତ କିଷାନ ମୋର୍ଚ୍ଚା ଏହି ଧାରଣାର ନାମ କିଷାନ ସଂସଦ ରଖିଛନ୍ତି ।
ସେପଟେ କୃଷକଙ୍କର ଏଭଳି ନିଷ୍ପତିକୁ ଦେଖି ସିଂଘୁ ସୀମାରେ ପୋଲିସ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରିଛି । କାରଣ ୨୦୦କୃଷକ ବସ୍ ମାଧ୍ୟମରେ ସିଂଘୁ ସୀମାକୁ ଯନ୍ତରମନ୍ତର ଆସୁଛନ୍ତି । ଅନ୍ୟପଟେ କୋଭିଡ଼ ସମୟରେ ଧାରଣା ଦେଉଥିବାରୁ କିଷାନ ମୋର୍ଚ୍ଚା ପକ୍ଷରୁ ସରକାରଙ୍କୁ ଏକ ଶପଥପତ୍ର ଦେଇ ବିକ୍ଷୋଭ ସମୟରେ ସମସ୍ତ କୋଭିଡ଼ ନିୟମ ପାଳନ କରାଯିବ ବୋଲି କହିଛନ୍ତି ।