ଛତିଶଗଡ଼ (ବଡ଼ ଖବର ବ୍ୟୁରୋ): ସୀମାନ୍ତ ଛତିଶଗଡ଼ ବିଜାପୁରରେ ଗୁଳିମାଡ । ନକ୍ସଲମାନଙ୍କ ବିରୁଦ୍ଧରେ ସୁରକ୍ଷା ବାହିନୀର ବଡ ଅପରେସନ୍ । ଗତ ଦୁଇ ଦିନରୁ ଯବାନ ଏବଂ ନକ୍ସଲମାନଙ୍କ ମଧ୍ୟରେ ଏନକାଉଣ୍ଟର ଚାଲିଛି । ନାରାୟଣପୁର , କୋଣ୍ଡାଗାଓଁ, କାଙ୍କେର ଏବଂ ଦନ୍ତେୱାଡା ଜିଲ୍ଲା ଯବାନ ମାନେ ଏହି ଅପରେସନରେ ସାମିଲ ରହିଥବା ଜଣାପଡିଛି । ସୁରକ୍ଷା ବାହିନୀ ପୁଣିଥରେ ବଡ଼ ସଫଳତା ପାଇବା ସମ୍ଭାବନା ରହିଥିବା ବେଳେ ବର୍ତମାନ ସୁଦ୍ଧା ୮ ମାଓବାଦୀଙ୍କ ଶବ ଯବାନ ମାନେ ଜବତ କରିଛନ୍ତି । ଯବାନ ମାନଙ୍କର ମିଳିତ ଅପରେସନ ଆବୁଜମାଡର କୁଟୁଲ ଫାର୍ସବେଡା କୋତାମେଟା ଅଞ୍ଚଳରେ ଜାରି ରହିଛି । ଏଥିରେ ୮ ମାଓବାଦୀଙ୍କ ମୃତ୍ୟୁ ହୋଇଥିବା ବେଳେ ଏକାଧିକ ମାଓବାଦୀ ଗୁରୁତର ରହିଥିବା ସୂଚନା ରହିଛି । ଅପର ପକ୍ଷରେ କିଛି ଯବାନ ମଧ୍ୟ ଆହତ ହୋଇଥିବା ଖବର ରହିଛି । ବର୍ତ୍ତମାନ ମଧ୍ୟ ଉଭୟ ପକ୍ଷରୁ ଜୋରଦାର ଗୁଳିବିନିମୟ ଜାରିରହିଛି ।
