ଯାତ୍ରୀ ନିବାସର ଘରୋଇକରଣକୁ ବିରୋଧ

କୋଣାର୍କ (ବଡ଼ ଖବର ବ୍ୟୁରୋ):କୋଣାର୍କ ଯାତ୍ରୀ ନିବାସର ଘରୋଇକରଣକୁ ବିରଧ କରି ଧାରଣାରେ ବସିଲେ ଅଞ୍ଚଳବାସୀ । କୋଣାର୍କ ବିଶ୍ୱ ଐତିହର ମାନ୍ୟତା ପାଇବା ପରଠାରୁ ଦେଶ ବିଦେଶରୁ ପ୍ରତିନିଦିନ ହଜାର ହଜାର ପର୍ଯ୍ୟଟକ ଏଠାକୁ ଆସନ୍ତି । ଏହି ପର୍ଯ୍ୟଟକଙ୍କ ସୁବିଧା ପାଇଁ ୧୯୯୨ରେ ଏଠାରେ ଏକ ଯାତୀନିବାସ ପ୍ରତିଷ୍ଠା କରାଯାଇଥିଲା ।

୨୦୦୫ ମସିହାରୁ ଏହି ଯାତ୍ରୀନିବାସକୁ ଏବେ ଓଟିଡିସି ପରିଚାଳନା କରୁଥିବା ବେଳେ ଏବେ ଏହାକୁ ସରକାର ଘରୋଇ କରଣ କରିବାକୁ ଟେଣ୍ଡର ଆହ୍ୱାନ କରିଛନ୍ତି । ଏହାକୁ ଅଞ୍ଚଳବାସୀ ବିରୋଧ କରି ଧାରଣାରେ ବସିବା ସହ ତୁରନ୍ତ ଟେଣ୍ଡର ପ୍ରକ୍ରିୟାକୁ ବାତିଲ କରିବାକୁ ଦାବି କରିଛନ୍ତି ।