ପୁଅ ପାଇଁ ମାଆର ମାନସିକ

ମୁମ୍ବାଇ (ବଡ଼ ଖବର ବ୍ୟୁରୋ): ଡ୍ରଗ୍ସ ମାମଲାରେ ଆର୍ୟନ ଖାନଙ୍କୁ ଗିରଫ କରାଯାଇଛି। ଆର୍ୟନ ଖାନଙ୍କୁ କାଲି ମିଳିଲାନି ଜାମିନ । ଗତକାଲିର ଜାମିନ ଆବେଦନ ଖାରଜ ପରେ ତାଙ୍କୁ ପୁଣି ଜେଲରେ ରଖାଯାଇଛି । ଆର୍ୟନ ଏବେ ୨୦ ତାରିଖ ଯାଏଁ ଆର୍ଥର ରୋଡ ଜେଲରେ ରହିବେ । ତାଙ୍କୁ ଉକ୍ତ ଜେଲରେ କଏଦୀ ନମ୍ବର ୯୫୬ ର ପରିଚୟ ଦିଆଯାଇଛି । ଏହା ତାଙ୍କ ଅଣ୍ଡରଟ୍ରାଏଲ ନମ୍ବର ।

ସେପଟେ ପୁଅ ଆର୍ୟନଙ୍କ ଶୁଭ ମନାସୀ ନବରାତ୍ରୀ ଉପଲକ୍ଷେ ମା’ ଗୌରୀ ପୁଅ ମୁକୁଳି ଆସିବା ଲାଗି ମାନସିକ ରଖିଛନ୍ତି। ରିପୋର୍ଟ ଅନୁଯାୟୀ, ଶାହରୁଖଙ୍କ ପରିବାରର ଜଣେ ବନ୍ଧୁ କହିଛନ୍ତି ଯେ ନବରାତ୍ରୀ ଆରମ୍ଭ ହେବା ପରେ ଗୌରୀ ଏକ ଶପଥ ନେଇଥିଲେ। ଏହି କାରଣରୁ ସେ ଚିନି ଏବଂ ମିଠା ଜିନିଷ ଖାଇବା ଛାଡି ଦେଇଛନ୍ତି। ଆର୍ୟ୍ୟନ ଖାନଙ୍କ ଓକିଲ ସତୀଶ ମାନସିନ୍ଦେ ଏବଂ ଅମିତ ଦେଶାଇ ତାଙ୍କ ଜାମିନ ପାଇଁ କଠିନ ପରିଶ୍ରମ କରୁଛନ୍ତି।