ଦେଢ଼ ମାସ ପରେ ସଫଳତା

ଲୋଇସିଂହା (ବଡ଼ ଖବର ବ୍ୟୁରୋ): କାଠ ଚୋରି କରି ଖସିଯାଇଥିଲେ । ଦୀର୍ଘ ଦେଢ଼ ମାସ ପରେ ପୋଲିସ ହାବୁଡ଼ରେ ପଡ଼ିଛନ୍ତି ଜଙ୍ଗଲ ମାଫିଆ । ମଙ୍ଗଳବାର ଲୋଇସିଂହା ବନ ବିଭାଗ ଦୁଇ ଜଣ କାଠ ମାଫିଆଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଅଭିଯୁକ୍ତ ଦ୍ୱୟ ହେଲେ କୁଶଙ୍ଗ ଗାଁର ସାମନ୍ତ ବେହେରା ଓ ତାଳଜୁରୀ ଗାଁର ସୁରେଶ ସାହୁ । ଏମାନେ ସେପ୍ଟେମ୍ବର ୨୮ ରାତିରେ ମହଦାସୁନି ସଂରକ୍ଷିତ ଜଙ୍ଗଲରୁ କାଠ ଚୋରି କରି ଟ୍ରାକ୍ଟର ଯୋଗେ ଫଲସାମାଲ-ଡୁମେରଝରନ ରାସ୍ତାରେ ଚାଲାଣ କରିଥିଲେ । ବନ ବିଭାଗ କର୍ମଚାରୀ ଆସିବାରୁ ଅନ୍ଧାରର ସୁଯୋଗ ନେଇ ଖସି ପଳାଇଥିଲେ । ଯଦିଓ ସେତେବେଳେ ଟ୍ରାକ୍ଟର ଓ କାଠ ଜବତ କରାଯାଇଥିଲା କିନ୍ତୁ ଦୁଇ ଅଭିଯୁକ୍ତ ଫେରାର ହୋଇଯାଇଥିଲେ ।