ନେଇଗଲେ ମା’ଙ୍କ ଅଳଙ୍କାର

ଟାଙ୍ଗୀ-ଚୌଦ୍ୱାର(ବଡ଼ ଖବର ବ୍ୟୁରୋ): କଟକ ଜିଲ୍ଲା ଚୌଦ୍ୱାର ଦକ୍ଷିଣ କାଳୀ ମନ୍ଦିରରୁ ବୁଧବାର ରାତିରେ ଚୋରି ହୋଇଯାଇଛି । ରାତିରେ ମନ୍ଦିରରେ କେହି ରହୁନଥିବାର ସୁଯେ୍ଧଜ୍ଞ ନେଇ ବିଳମ୍ବିତ ରାତ୍ରିରେ ଲୁଟେରାମାନେ ମା’ଙ୍କ ପଛପଟ ଗେଟ ଦେଇ ଭିତରକୁ ପ୍ରବେଶ କରିଥିଲେ । ଗମ୍ଭୀରା ଭିତରୁ ମା’ଙ୍କ ସୁନାର ଆଖି, ସୁନାର ବାହୁଟି, ସୁନାର ମଙ୍ଗଳସୂତ୍ର ଇତ୍ୟାଦି ଅନେକ ବହୁ ମୂଲ୍ୟବାନ ଜିନିଷ ଲୁଟି ନେଇଥିଲେ । ଯିବାପୂର୍ବରୁ ହୁଣ୍ଡିରେ ଥିବା ନଗଦ ଟଙ୍କା ମଧ୍ୟ ନେଇଯାଇଥିଲେ । ମନ୍ଦିର ଚୋରି ସମ୍ପର୍କରେ ଖବର ପାଇ ଚୌଦ୍ୱାର ଥାନା ଭାରପ୍ରାପ୍ତ ଅଧିକାରୀ ବିରଞ୍ଚିନାରାୟଣ ପତି ସଦଳବଳ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ତୁରନ୍ତ ଚୋରକୁ ଗିରଫ କରାଯିବା ସହ ଚୋରି ସାମଗ୍ରୀ ଉଦ୍ଧାର କରାଯିବ ବୋଲି ଥାନା ଭାରପ୍ରାପ୍ତ ଅଧିକାରୀ ପ୍ରତିଶ୍ରୁତି ଦେଇଥିଲେ ।