Masthead

ଆଇନକୁ ହାତକୁ ନେବେ ଲୋକେ

ଲୋଇସିଂହା (ବଡ଼ ଖବର ବ୍ୟୁରୋ): ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ବୁଢ଼ୀପଦର ପଞ୍ଚାୟତ ରୁଗୁଡ଼ିଖାଲଠାରେ ସରକାରୀ ଜମି ଜବରଦଖଲ ବୃଦ୍ଧି ପାଇଛି। ଫଳରେ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଜବରଦଖଲ ଉଚ୍ଛେଦ ଦିଗରେ ପ୍ରଶାସନ ବିଫଳ ହେଲେ ଆଇନକୁ ହାତକୁ ନେବେ ବୋଲି ଗ୍ରାମବାସୀ ଲୋଇସିଂହା ଥାନା ସମେତ ତହସିଲଦାର ଓ ବଲାଙ୍ଗୀର ଜିଲ୍ଲାପାଳଙ୍କୁ ଲିଖିତଭାବେ ଚେତାବନୀ ଦେଇଛନ୍ତି ।
ଲୋଇସିଂହା ତହସିଲ ଅନ୍ତର୍ଗତ ବୁଢ଼ୀପଦର ମୌଜା ରୁଗୁଡ଼ିଖାଲର ଖାତା ନଂ-୧୩୦ର ପ୍ଲଟ ନଂ-୧୦, ୧୧, ୧୩, ୧୮, ୧୯, ୨୦ ଜାତୀୟ ରାଜପଥ ନଂ-୨୬ ପାର୍ଶ୍ୱରେ ରହିଛି। ଏଠାରେ ରାମମନ୍ଦିର ସାଙ୍ଗକୁ ବିଭିନ୍ନ ବ୍ୟବସାୟିକ ପ୍ରତିଷ୍ଠାନ ରହିଥିବାବେଳେ ସାପ୍ତାହିକ ହାଟ ମଧ୍ୟ ବସିଥାଏ । ତେଣୁ ଏଠାକାର ମୂଲ୍ୟବାନ ସରକାରୀ ଜମି ଉପରେ ଏବେ ଜମି ମାଫିଆଙ୍କ ଲୋଲୁପ ଦୃଷ୍ଟି ପଡ଼ିଛି । ସରକାରୀ ଜମି ଦଖଲ କରି କେତେକ ବ୍ୟବସାୟ ଆରମ୍ଭ କରି ସାରିଥିବାବେଳେ ଆଉ କିଛି ଜମିରେ ବ୍ୟବସାୟିକ ଉଦ୍ଦେଶ୍ୟରେ ନିର୍ମାଣ କାର୍ଯ୍ୟ ଆରମ୍ଭ ହୋଇଛି । ପ୍ରଶାସନିକ ଉଦାସୀନତା ଯୋଗୁ ମୂଲ୍ୟବାନ ସରକାରୀ ଜମି ଏବେ କିଛି ମୁଷ୍ଟିମେୟ ଜମି ମାଫିଆଙ୍କ ହାତକୁ ଚାଲିଯିବାକୁ ବସିଛି । ସ୍ଥାନୀୟ ବାସିନ୍ଦା ଏହାର ପ୍ରତିବାଦ କଲେ ସେମାନଙ୍କୁ ଧମକ ଦିଆଯାଉଥିବା ଗ୍ରାମବାସୀ ଅଭିଯୋଗ କରିଛନ୍ତି। ଜବରଦଖଲ ଉଚ୍ଛେଦ ପାଇଁ ବୁଢ଼ୀପଦର ଗ୍ରାମବାସୀ ସମ୍ବଲପୁର ଆରଡିସିଙ୍କଠାରୁ ବଲାଙ୍ଗୀର ଜିଲ୍ଲାପାଳଙ୍କ ପର୍ଯ୍ୟନ୍ତ ଦ୍ୱାରସ୍ଥ ହୋଇଥିଲେ ହିଁ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନ ଥିବାରୁ ସେମାନେ ନିରାଶ ହୋଇଥିବା ପ୍ରକାଶ କରିଛନ୍ତି । ସରକାରୀ ଜମି ଦଖଲ ଯୋଗୁ ପଞ୍ଚାୟତର ବିଭିନ୍ନ ଉନ୍ନୟନମୂଳକ କାମରେ ବାଧା ସୃଷ୍ଟି ହେଉଛି । ପ୍ରଶାସନର ନୀରବତା ଯୋଗୁ ଜବରଦଖଲକୁ ନେଇ ବୁଢ଼ୀପଦର ଗ୍ରାମରେ ଦୁଇଗୋଷ୍ଠୀ ମଧ୍ୟରେ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି। ଖୁବଶୀଘ୍ର ପ୍ରଶାସନ ଏହି ଘଟଣା ପ୍ରତି ଦୃଷ୍ଟିଦେଇ ଉଚିତ୍ ପଦକ୍ଷେପ ନେବାକୁ ଗ୍ରାମବାସୀ ଦାବି କରିଛନ୍ତି ।

ଆଗକୁ ପଢନ୍ତୁ
ବ୍ରେକିଙ୍ଗ୍ ନ୍ୟୁଜ୍
🔴 ପେଟ୍ରୋଲ ଢାଳି ଜଳିଗଲେ ଆଇନଜୀବୀ 🔴 ୩୧ରୁ ପୁଣି ବଢ଼ିବ ବର୍ଷା 🔴 ୩୦ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ 🔴 ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ 🔴 ଜୁହାର୍ , ଆଜି ନୂଆଁଖାଇ ତିହାର 🔴 ଆଜି ବିରାଜିବେ ବିଘ୍ନ ବିନାଶକ 🔴 ଜମ୍ମୁ କାଶ୍ମୀରରେ ବୈଷ୍ଣୋ ଦେବୀ ଯାତ୍ରା ବେଳେ ଭୂସ୍ଖଳନ, ୩୧ ମୃତ 🔴 ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି 🔴 ଡୋଡାରେ ବାଦଲ ଫଟା ବର୍ଷା 🔴 ଆପ୍‌ ନେତାଙ୍କ ଘରେ ଇଡି ରେଡ୍‌ 🔴 ପେଟ୍ରୋଲ ଢାଳି ଜଳିଗଲେ ଆଇନଜୀବୀ 🔴 ୩୧ରୁ ପୁଣି ବଢ଼ିବ ବର୍ଷା 🔴 ୩୦ ହାର୍ଡକୋର ମାଓବାଦୀଙ୍କ ଆତ୍ମସମର୍ପଣ 🔴 ପୁଣି ଶ୍ରୀମନ୍ଦିର ଉପରେ ଉଡ଼ିଲା ଡ୍ରୋନ୍ 🔴 ଜୁହାର୍ , ଆଜି ନୂଆଁଖାଇ ତିହାର 🔴 ଆଜି ବିରାଜିବେ ବିଘ୍ନ ବିନାଶକ 🔴 ଜମ୍ମୁ କାଶ୍ମୀରରେ ବୈଷ୍ଣୋ ଦେବୀ ଯାତ୍ରା ବେଳେ ଭୂସ୍ଖଳନ, ୩୧ ମୃତ 🔴 ଗଠନ ହେଲା ଶ୍ରୀମନ୍ଦିର ପରିଚାଳନା କମିଟି 🔴 ଡୋଡାରେ ବାଦଲ ଫଟା ବର୍ଷା 🔴 ଆପ୍‌ ନେତାଙ୍କ ଘରେ ଇଡି ରେଡ୍‌