ଚିକିତ୍ସାଧୀନ ହାତୀର ମୃତ୍ୟୁ

ପାଲଲହଡ଼ା(ବଡ଼ ଖବର ବ୍ୟୁରୋ): ଅନୁଗୁଳ ଜିଲ୍ଲା ଚୁଆନାଳି ଗ୍ରାମ ନିକଟରେ ୭/୮ ବର୍ଷର ଅସୁସ୍ଥ ମାଈହାତୀ ଆଜି ସକାଳେ ବନବିଭାଗ କର୍ମଚାରୀଙ୍କ ଦ୍ୱାରା ଉଦ୍ଧାର ହୋଇଥିଲା। ଆଜକୁ ପ୍ରାୟ ୩/୪ ଦିନ ହେବ ବନବିଭାଗ କର୍ମଚାରୀମାନେ ଖବର ପାଇ ହାତୀର ଅନୁସଂଧାନ ଜାରି ରଖିଥିଲେ । ଚୁଆନାଳି ଗ୍ରାମର ଫକୀର ପ୍ରଧାନଙ୍କ ବିଲରେ ହାତୀଟି ପଡ଼ି ରହିଥିବା ଦେଖି ଗ୍ରାମବାସୀ ବନବିଭାଗକୁ ଖବର ଦେଇଥିଲେ । ହାତୀ ଗୁରୁତର ଥିବାରୁ ସ୍ଥାନୀୟ ପ୍ରାଣୀ ଚିକିତ୍ସା ଅଧିକାରୀ ଚିକିତ୍ସା ଆରମ୍ଭ କରିଥିଲେ । ବହୁତ ଚେଷ୍ଟାପରେ ମଧ୍ୟ ହାତୀଟିକୁ ବଂଚାଇ ପାରିଲେ ନାହିଁ । ଶେଷରେ ହାତୀଟି ମୃତ୍ୟୁବରଣ କଲା । ଶବ ବ୍ୟବଚ୍ଛେଦ ରିପୋର୍ଟ ଆସିଲେ ମୃତ୍ୟୁର କାରଣ ଜଣାପଡିବ ।