ଭୁବନେଶ୍ୱର (ବଡ଼ ଖବର ବ୍ୟୁରୋ): ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ଉଠାଇ ନେଲା କ୍ରାଇମବ୍ରାଞ୍ଚ । ଏନେଇ ଟୁଇଟରେ ସ୍ପଷ୍ଟ କଲା କ୍ରାଇମବ୍ରାଞ୍ଚ । ସଂନ୍ଧାରେ କ୍ରାଇମବ୍ରାଞ୍ଚର ୪ଟି ଟିମରେ ୪୦ରୁ ୫୦ ଜଣ ଆସି ପ୍ରଦୀପଙ୍କୁ ଉଠାଇ ନେଇଥିବା କହିଛନ୍ତି ପ୍ରଦୀପଙ୍କ ପତ୍ନୀ ସୁଜାତା । ଏକ ସାଇବର ମାମଲାରେ ତାଙ୍କୁ ପଚରଉଚରା କରାଯାଉଥିବା ସୂଚନା ମିଳିଛି । ପ୍ରଦୀପଙ୍କ ପତ୍ନୀ ସୁଜାତା କହିଛନ୍ତି ମୋ ସ୍ୱାମୀଙ୍କର ଯାହା ହେବ ମୁଖ୍ୟମନ୍ତ୍ରୀ ଦାୟୀ । ଆମକୁ ହାରସମେଣ୍ଟ କରାଯାଉଛି । ରାଜନୈତିକ ଉଦ୍ଦେଶ୍ୟ ରଖି ଏଭଳି କରାଯାଉଛି । ଯଦି ମୋ ସ୍ୱାମୀଙ୍କର କିଛି ହୁଏ ତାହେଲେ ମୁଖ୍ୟମନ୍ତ୍ରୀଙ୍କୁ କାଠଗଡ଼ାକୁ ଟାଣିବି ବୋଲି କହିଛନ୍ତି ସୁଜାତା ।
