କୃଷ୍ଣପ୍ରସାଦ(ବଡ଼ ଖବର ବ୍ୟୁରୋ): ଶୀତ ଯେତିକି ବଢୁଛି, ଚିଲିକାର ପକ୍ଷୀ ଅଭୟାରଣ୍ୟ ନଳବଣରେ ବିଦେଶାଗି ପକ୍ଷୀଙ୍କ ସଂଖ୍ୟା ସେତିକି ବଢିବାରେ ଲାଗିଛି । ବିଦେଶାଗତ ପକ୍ଷୀଙ୍କ ଆଗମନକୁ ଦେଖି ପକ୍ଷୀ ଶିକାରୀମାନେ ସକ୍ରିୟ ହୋଇଉଠିଛନ୍ତି । ଫାସ, ଛିଟିକିଣି, ବନ୍ଧୁକ ମୁନରେ ବିଦେଶୀ ପକ୍ଷୀଙ୍କୁ ଶିକାର କରି ଶିକାରୀମାନେ ଚେରା ଲୁଚାରେ ଚଢା ଦରରେ ବିକୁଛନ୍ତି ମାଂସ । ବନ ବିଭାଗର ଢିଲା ପଣ ଶିକାରୀମାନଭ୍କୁ ବେଶ ସୁହାଉଛି । ବିଦେଶୀ ପକ୍ଷୀମାଂସ କିଲୋ ୨୦୦ଟଙ୍କାରେ ବିକ୍ରି ହେଉଛି । ଯଦି ଏଭଳି ପକ୍ଷୀ ଶିକାର ଚାଲେ ଚିଲିକାରେ ବିଦେଶାଗତ ପକ୍ଷୀଙ୍କ ସଂଖ୍ୟା ହ୍ରାସ ପାଇବା ନିଶ୍ଚିତ । ବିଦେଶାଗି ପକ୍ଷୀଙ୍କ ସୁରକ୍ଷାରେ ଫେଲ ମାରିଛି ବନ ବିଭାଗ । ବିଦେଶାଗତ ପକ୍ଷୀଙ୍କ ସୁରକ୍ଷା ପ୍ରତି ଧ୍ୟାନ ଦିଆନଗଲେ ମରାଳମାଳିନୀ ଚିଲିକା ଶ୍ରୀହିନ ହୋଇପଡିବ ।
